Polisia.kz اقپاراتىنا سايكەس, پوليتسيا بىلتىر 89 قىلمىستىق توپتى قۇرىقتاپ, ولاردىڭ قۇرامىنداعى 572 كۇدىكتىنى ۇستادى. بارلىعى 4,5 مىڭنان استام ۇرلانعان مال تابىلىپ, يەلەرىنە قايتارىلدى.
ءىىم رەسمي وكىلى شىڭعىس الەكەشەۆتىڭ ايتۋىنشا, سوڭعى بەس جىلدا مال ۇرلىعى 64 پايىزعا ازايعان.
سونداي-اق جايىلىم ەرەجەلەرىن بۇزعانى ءۇشىن اكىمشىلىك قۇقىق بۇزۋشىلىق تۋرالى كودەكستىڭ 408-بابى بويىنشا اكىمشىلىك جاۋاپكەرشىلىك بەلگىلەنگەن. 2024 جىلى 38,5 مىڭنان استام وسىنداي قۇقىقبۇزۋشىلىق انىقتالدى. ودان بولەك مال ۇرلىعى ءۇشىن قىلمىستىق كودەكسكە جەكە باپ ەنگىزىلگەن. وندا مۇلكى تاركىلەنىپ, 12 جىلعا دەيىن باس بوستاندىعىنان ايىرۋ جازاسى قاراستىرىلعان.
2025 جىلدىڭ قاڭتار ايىندا ەلىمىزدە 69 مال ۇرلىعى تىركەلدى. 53 كۇدىكتى ۇستالدى. 10 قىلمىستىق توپ اشكەرەلەندى. ۇرلانعان 450 مالدىڭ 134-ءى يەلەرىنە قايتارىلدى.
