فوتو: NDTV
انىقتالا كەلە بۇل ونىڭ ەكىنشى قىلمىسى بولىپ تىركەلگەن. ءبىرىنشى رەت اكيو 60 جاسىندا دۇكەننەن تاماق ۇرلاعان. جالعىز زەينەتاقىعى ءومىر ءسۇرۋ قيىنداپ كەتكەننەن كەيىن, كەيۋانا قىلمىسىن قايتالاعان ەكەن.
«تۇرمىس تاۋقىمەتىن تارتپاي, ءوز قولىم ءوز اۋزىما جەتكەندە مۇنداي ىسكە مۇلدە بارماس ەدىم», دەيدى زەينەتكەردىڭ ءوزى.
بۇعان دەيىن ول 43 جاستاعى ۇلىمەن تۇرىپ كەلگەن. كەيىن بالاسى اناسىن ۇيدەن قۋىپ جىبەرگەن كورىنەدى.
ايتا كەتەيىك, جاپونيادا ەگدە جاستاعى ايەلدەردىڭ قىلمىسقا بارۋى سوڭعى جىلدارى وزەكتى ماسەلەگە اينالدى. مىسالى, 2022 جىلى ەلدەگى تۇرمەلەردە وتىرعان ەگدە جاستاعى ايەلدەردىڭ 80%-دان استامى ۇرلىق جاساعانى ءۇشىن سوتتالعان. ەلدىڭ ۇلتتىق پوليتسيا اگەنتتىگىنىڭ مالىمەتىنشە, 65 جاستان اسقان ادامداردىڭ قىلمىس جاساۋ كورسەتكىشى ايتارلىقتاي ارتقان. ولاردىڭ كوبىسى ۇرلىق سياقتى ۇساق قۇقىق بۇزۋشىلىقتارعا بارادى.
