قوس تاراپ ءبىلىم الۋشىلارعا ەكىجاقتى قولداۋ ءبىلدىرۋ ماقساتىندا الدىمەن ستۋدەنتتەردىڭ وندىرىستىك تاجىريبەدەن ءوتۋىن ۇيىمداستىرىپ, ارتىنشا جۇمىسقا ورنالاسۋعا مۇمكىندىك بەرەدى. پارتيا مۇشەلەرى وسى باستامانىڭ ارقاسىندا جاستار اراسىنداعى جۇمىسسىزدىق ماسەلەسى وڭتايلى شەشىلەدى دەيدى.
اتاپ ايتساق, ەلورداداعى «اstana رolytechnic» جوعارى كوللەدجى, تەحنولوگيالىق كوللەدجى, تەحنيكالىق كوللەدجى, قوعامدىق تاماقتانۋ جانە سەرۆيس كوللەدجى, جوعارى كولىك جانە كوممۋنيكاتسيالار كوللەدجى, قۇرىلىس-تەحنيكالىق كوللەدجى جانە «لس گرۋپپ», «Paving Stone Company», «Digital System Service», «بىرىڭعاي شوعىرلاندىرۋ ورتالىعى», «Dat kz», «ماستەر كوفە» Community, «اقمول حولدينگ» جشس سەكىلدى ءىرى كاسىپورىندار ءبىر ماقساتتا جۇمىس ىستەپ, ءۇش مىڭ ستۋدەنتتى جۇمىسقا ورنالاستىرماق.
جۇمىسشى ماماندىقتارى جىلىندا «Amanat» پارتياسىنىڭ ىقپالىمەن اتقارىلىپ وتىرعان بۇل باستاما – العاشقى ءىرى قادامنىڭ ءبىرى. الداعى ۋاقىتتا پارتيا جۇمىسىن توقتاتپايدى. كەرىسىنشە جاستارعا قولداۋ ءبىلدىرىپ, ءارتۇرلى باستامالاردى ىسكە اسىرۋدى كوزدەيمىز», دەيدى پارتيا حاتشىسى شولپان كارينوۆا.
