فوتو: اشىق دەرەككوز
«ۇشاق اپاتىندا قازا تاپقان ازاماتتاردىڭ وتباسىنا الەۋمەتتىك كومەك كورسەتىلدى. جوسپار بويىنشا 5 ملن-نان تولەنۋى ءتيىس بولعان. جەرلەۋ ءراسىمى مەن ءمايىتتى تاسىمالداۋ جۇمىسى اكىمدەرگە جۇكتەلدى. الداعى اپتادا دەمەۋشىلەردىڭ ەسەبىنەن تاعى دا كومەك كورسەتىلەدى», دەدى قانات بوزىمباەۆ.
ونىڭ ايتۋىنشا, قازىر زەرتتەۋ جۇمىسى قارقىندى ءجۇرىپ جاتىر.
«يكاو-نىڭ تالابىنا سايكەس, ءبىر ايدىڭ ىشىندە تەرگەۋدىڭ الدىن الا قورىتىندىسى جاريالانۋى كەرەك. كەلەسى اپتادا كولىك مينيسترلىگى ءتيىستى اقپاراتتى جاريالايدى», دەدى پرەمەر-ءمينيستردىڭ ورىنباسارى.
ەستەرىڭىزگە سالا كەتەيىك, 25 جەلتوقسان كۇنى اقتاۋ ماڭىندا باكۋدەن گروزنىيعا باعىت العان ازەربايجان اۋە كومپانياسىنا تيەسىلى ۇشاق اپاتقا ۇشىراعان بولاتىن. ۇشاق بورتىندا 62 جولاۋشى مەن 5 ەكيپاج مۇشەسى بولعان.
