فوتو: ۇكىمەت
كەزدەسۋگە سونداي-اق باسەكەلەستىكتى قورعاۋ جانە دامىتۋ اگەنتتىگى وكىلدەرى قاتىستى. سەرىك جۇمانعارين بۇگىندە ءبىرىنشى شولۋ شەڭبەرىندە بەرىلگەن ەىدۇ ۇسىنىمدارى 80%-عا ورىندالعانىن ايتتى.
«مەملەكەت باسشىسى الدىمىزعا قازاقستاننىڭ ەكونوميكالىق ساياساتىن اتالعان ۇيىمنىڭ جوعارى ستاندارتتارىنا سايكەستەندىرۋ ماقساتىن قويدى جانە ءبىز ۇسىنىستاردىڭ باسىم بولىگىن ىسكە اسىردىق. بۇگىن سىزدەردى قىزىقتىراتىن ماسەلەلەردى ەكىنشى شولۋ اياسىندا تالقىلاۋعا دايىنبىز», دەدى ۆيتسە-پرەمەر.
تاراپتار قازاقستاننىڭ باسەكەلەستىكتى دامىتۋ جانە ەكونوميكانى ىرىقتاندىرۋ سالاسىنداعى باستامالارىن تالقىلادى. ونىڭ ىشىندە بقدا جانىنان قۇرىلعان ۇلتتىق جەكەشەلەندىرۋ كەڭەسىنىڭ كاسىپكەرلىككە مەملەكەتتىڭ قاتىسۋىن ازايتۋ جونىندەگى جوسپارلارىنا وڭ باعا بەرىلدى.
ەىدۇ وكىلدەرى قازاقستاننىڭ باسەكەلەستىك زاڭناماسى مەن ساياساتىنىڭ ەكىنشى شولۋىن دايىنداۋعا ماتەريال جيناۋ ءۇشىن باسقا دا مەملەكەتتىك ورگاندار جانە حالىقارالىق ۇيىمدار باسشىلارىمەن بىرقاتار كەزدەسۋ وتكىزۋدى جوسپارلاپ وتىر.
