وتكەن جىلى جالپى ۇزىندىعى 2 شاقىرىم بولاتىن جەرگىلىكتى ماڭىزى بار اۆتوموبيل جولدارىنىڭ 24 ۋچاسكەسىنە تاسقىن سۋدان نۇقسان كەلىپ, وبلىس اۋماعىنداعى 3 كوپىر ءب ۇلىندى. سونىڭ ىشىندە كىندىكتى اۋىلىنا اپاراتىن جولداعى كوپىر قايتا قالپىنا كەلتىرىلدى. تاسساي اۋىلىنداعى كوپىرگە جوبالىق-سمەتالىق قۇجاتتاما ازىرلەنىپ, بوزاي اۋىلىنداعى كوپىردى قالپىنا كەلتىرۋ جوسپارلانعان.
اۆتوموبيل جولدارىنداعى سۋ تاسقىنىنىڭ سالدارىن جويۋ بارىسىندا «سەمەي جولدارى» جشس مەردىگەرلىك ۇيىمى «اقسۋات – شىبىندى – وبلىس شەكاراسى» جول ۋچاسكەسىندە 6 سۋ وتكىزۋ قۇرىلىسىن ورناتتى. بۇگىندە ىقتيمال توتەنشە جاعدايدىڭ الدىن الۋ ماقساتىندا 70 ارنايى تەحنيكاسى بار 7 اپاتتىق بريگادا تاۋلىك بويى كەزەكشىلىك اتقارۋدى باستادى. قاجەتتى ماتەريالدار قورى جاساقتالىپ, 1000 تەكشە مەتر قۇم, 1047 تەكشە مەتر قۇم-قيىرشىق تاس قوسپاسى, 260 تەكشە مەتر تاستى توپىراق جينالدى. موتوپومپالار, كۇرەك, ەتىك, باسقا دا جابدىقتار ساتىپ الىنىپ, قۇتقارۋشىلاردىڭ ازىرلىگى پىسىقتالدى.
2024 جىلعى سۋ تاسقىنىن تالداۋ نەگىزىندە «قاراعاندى – اياگوز – تارباعاتاي – بوعاس» اۆتوجولدارىنىڭ ۋچاسكەلەرىندە سۋ وتكىزۋ قۇبىرلارىن جوندەۋ جوسپارلانعان. جۇمىستى اياقتاۋ 2025 جىلعى تامىزعا جوسپارلانىپ وتىر. بۇعان قوسا, مول سۋلى ەرتىس وزەنىنىڭ سۋ دەڭگەيىنە كۇندەلىكتى مونيتورينگ جۇرگىزىلىپ, جاعداي باقىلاۋعا الىنعان. بارلىق ءىس-شارالاردى ىسكە اسىرۋ سۋ باسۋ قاۋپىن ازايتۋعا, سۋ تاسقىنى كەزەڭىندە جول ينفراقۇرىلىمىنىڭ قاۋىپسىزدىگىن, كولىكتىڭ ۇزدىكسىز قوزعالىسىن قامتاماسىز ەتۋگە باعىتتالعان.
سەمەي
