امبۋلاتوريالىق ليفت مۇگەدەكتىگى بار ازاماتتاردى اۋە كەمەسىنىڭ بورتىنا وتىرعىزۋعا جانە تۇسىرۋگە ارنالعان. ەلىمىزدىڭ زاڭى جانە حالىقارالىق ستاندارت بويىنشا بارلىق اۋەجايدا مىندەتتى تۇردە وسىنداي مامانداندىرىلعان ارنايى تەحنيكا بولعا ءتيىس.
«امبۋلاتوريالىق ليفت – جاي عانا قۇرال ەمەس, كەشەندى تەحنيكا. مۇنداي تەحنيكا ەلىمىزدىڭ باسقا قالالارىندا قولدانىستا بار. بىراق ولار شەتەلدە شىعارىلعان. ال بىزدەگى ليفت – وتاندىق ءونىم. «STAHLBAU» جشس قۇراستىرعان تەحنيكا وبلىس اكىمدىگىنىڭ قولداۋىمەن ساتىپ الىندى. العاش رەت الماتى-سەمەي باعىتىنداعى جولاۋشىلار ءۇشىن سىناقتان وتكىزىپ كوردىك. ەندى كۇندەلىكتى جۇمىس ىستەيتىن بولادى», دەيدى اۋەجاي ديرەكتورى عازيزبەك ساماتوۆ.
وتكەن جىلدىڭ سوڭىندا سەمەي اۋەجايى وبلىس اكىمدىگىنىڭ قولداۋىمەن 110 ادامدى تاسىمالداۋعا ارنالعان زاماناۋي اۆتوبۋسقا قول جەتكىزگەن. اۆتوبۋستا مۇگەدەكتىگى بار جانداردىڭ جايى ەسكەرىلگەن. وسى ارقىلى ولاردىڭ كەدەرگىسىز قاتىناۋىنا مۇمكىندىك جاسالعان. جولاۋشىلاردى تەرمينالدان ۇشاققا جانە كەرى جەدەل تاسىمالداۋ جۇزەگە اسىرىلادى.
سەمەي
