مۇندا قازىر 2 كوپپاتەرلى تۇرعىن ءۇيدى قالپىنا كەلتىرۋ جۇمىستارى جۇرگىزىلىپ جاتىر. جوندەۋ جۇمىستارىن «كەنتاۆر-قۇرىلىس» جشس اتقارۋدا, اياقتالۋ مەرزىمى ءساۋىر ايىنا جوسپارلانعان. جوسپاردا, كەزەكتە تاعى 5 ءۇي بار. باسپانا كەزەگىندە تۇرعاندار سانى – 236 ادام. ولاردىڭ اراسىندا مەملەكەتتىك قىزمەتكەرلەر, كوپبالالى وتباسىلار مەن جەتىم بالالار بار.
اباي وبلىسىنىڭ اكىمى نۇرلان ۇرانحاەۆ كۋرچاتوۆ قالاسىنا جاساعان جۇمىس ساپارى بارىسىندا بىرنەشە الەۋمەتتىك ماڭىزى بار نىساندى ارالاپ, قۇرىلىس, قالپىنا كەلتىرۋ جۇمىستارىن تەكسەردى. ايماق باسشىسىنىڭ الدىمەن بالالار مەن جاسوسپىرىمدەر شىعارماشىلىعى ءۇيىنىڭ عيماراتىن ارالادى. قالا اكىمى بولات ابدىراليەۆ جوبانىڭ اتقارىلۋى مەن اياقتالۋى تۋرالى باياندادى. جاڭا عيمارات بۇعان دەيىن قاراۋسىز تۇرعان ەدى. بۇگىندە بالالار مەن جاسوسپىرىمدەردىڭ شىعارماشىلىق ۇيىندە روبوتتەحنيكا, تىگىنشىلىك, بي, قىش ونەرى, ويىن تەحنيكاسى سىندى ۇيىرمەلەردەن بولەك, اكت زالى بار. قاجەتتى قۇرال-جابدىق الىنعان. كوكتەمدە عيمارات اۋلاسىن اباتتاندىرۋ جۇمىسى باستالادى. ايماق باسشىسى جاستار باس قوساتىن تاعى ءبىر عيماراتتى كۇردەلى جوندەۋدەن وتكىزۋ كەرەكتىگىن ايتتى. قالا اكىمىنىڭ وتىنىشىنە وراي, وبلىستىق ءبىلىم باسقارماسىنىڭ باسشىسى نۇرجان احمەتقاليەۆكە شاھارداعى مەكتەپ اۋلاسىنا سپورت الاڭىن سالۋ جونىندە تاپسىرما بەردى. ءوڭىر باسشىسى سونداي-اق دەنە شىنىقتىرۋ-ساۋىقتىرۋ كەشەنىنىڭ قۇرىلىسى الاڭىنا دا باردى. جاڭا سپورت كەشەنى زاماناۋي ستاندارتتارعا ساي, بارلىق جاستاعى ادامدارعا, سونىڭ ىشىندە مۇگەدەكتىگى بار ازاماتتارعا دا قولجەتىمدى بولادى.
قالانى جىلۋمەن قامتۋ ماسەلەلەرى دە نازاردان تىس قالعان جوق. №1 قازاندىق 30 كوپقاباتتى تۇرعىن ءۇيدى جىلۋمەن قامتاماسىز ەتەدى. وتكەن جىلى قازاندىقتاعى 4 پەشكە اعىمداعى جوندەۋ جۇرگىزىلىپ, 2 ەسكى پەش اۋىستىرىلدى, قوسىمشا 2 پەش ورناتىلدى. جالپى كۋرچاتوۆ قالاسىندا 4 قازاندىق بار. ولار 79 تۇرعىن ۇيگە, 20 مەملەكەتتىك مەكەمەگە, 24 زاڭدى تۇلعاعا قىزمەت كورسەتەدى.
ايماق باسشىسى قالپىنا كەلتىرىلەتىن ۇيلەردىڭ ساپاسىنا ەرەكشە ءمان بەرىپ, زاماناۋي ۇلگىدە بولۋىنا كوڭىل اۋدارۋ كەرەكتىگىن ايتتى. «بۇل نىسانداردىڭ ارقايسىسى كۋرچاتوۆ قالاسىنىڭ دامۋىندا ماڭىزدى ءرول اتقارادى. تۇرعىنداردىڭ سپورتپەن شۇعىلدانىپ, شىعارماشىلىقپەن اينالىسۋىنا بارىنشا جاعداي جاساۋعا ءتيىسپىز. ول ءۇشىن جۇمىستى بەلگىلەنگەن مەرزىمدە اياقتاۋىمىز كەرەك», دەدى وبلىس اكىمى.
اباي وبلىسى,
كۋرچاتوۆ قالاسى
