فوتو: قر شەكارا قىزمەتىنىڭ ءباسپاسوز قىزمەتى
قايعىلى وقيعا 14 قاڭتار كۇنى №12740 اسكەري بولىمىندە بولعان.
«Criminal Kazakhstan» Telegram ارناسىنىڭ حابارلاۋىنشا, 2006 جىلى تۋعان قاتارداعى جاۋىنگەر قۇرمانبەك داستان مارات ۇلى ءوز-وزىنە قول جۇمساعان.
ءجاسوسپىرىم اك-47 اۆتوماتىمەن جۇرەگىنە وق اتقان. ول 2024 جىلدىڭ قازان ايىندا تۇركىستان وبلىسىنان اسكەر قاتارىنا شاقىرىلعان.
سارىوزەك اسكەري گارنيزونى بۇل وقيعا بويىنشا قىلمىستىق ءىس قوزعالعانىن حابارلادى.
«اسكەري-دالالىق وقۋ-جاتتىعۋلار كەزىندە سارباز اتىس قارۋىن قولدانۋ ەرەجەسىن بۇزىپ, كەۋدەسىنەن جاراقات العان. قىلمىستىق ءىس قوزعالدى. ءولىمنىڭ سەبەپتەرى انىقتالىپ, تەرگەۋ شارالارى جۇرگىزىلىپ جاتىر, قۇرلىق اسكەرلەرىنىڭ باس قولباسشىسى باسقاراتىن ارنايى كوميسسيا تاعايىندالدى», دەلىنگەن حابارلامادا.
