«مەملەكەت باسشىسىنىڭ باستاماسىمەن جۇزەگە اسقان «جايلى مەكتەپ» ۇلتتىق جوباسى اياسىندا وڭىردە 6 900 ورىنعا ارنالعان 10 مەكتەپ سالۋ جوسپارلانىپ, ونىڭ العاشقى 900 وقۋشىعا ارنالعان مەكتەبىن وتكەن جىلدىڭ قازان ايىندا سول جاعالاۋدان تابىستادىق. وسى ايدىڭ باسىندا جاڭاقورعان اۋدانىنىڭ جاڭارىق اۋىلىندا جانە ارال قالاسىندا 300 ورىندىق 2 جايلى مەكتەپ اشىلدى. بۇل ارقىلى جاڭارىق اۋىلىنداعى بەيىمدەلگەن عيماراتتا ورنالاسقان, ارال قالاسىنداعى ءۇش اۋىسىمدى وقىتۋعا كوشۋى مۇمكىن مەكتەپتەردەگى ورىن تاپشىلىعى ماسەلەسى شەشىمىن تاپتى.
بۇگىن مىنە, «سامۇرىق-قازىنا» اكتسيونەرلىك قوعامىنىڭ ۇيلەستىرۋىمەن جۇزەگە اسقان, قۇنى 4 ملرد 732 ملن تەڭگە بولاتىن 600 ورىندىق «جايلى مەكتەپتى» شاكىرتتەر مەن ۇستازدار يگىلىگىنە بەرەمىز», دەدى ايماق باسشىسى.
سالتاناتتى ءىس- شارادا ءبىلىم سالاسىنىڭ ارداگەرى, ءبىلىم بەرۋ ءىسىنىڭ ۇزدىگى التىنسارى شۇرەنوۆ جيىلعان جۇرتشىلىقتى قۇتتىقتاپ, قازاقستان رەسپۋبليكاسىنىڭ ەڭبەك سىڭىرگەن قايراتكەرى قورعانبەك قايروللا ۇلى باتاسىن بەردى. سونداي-اق, ايماقتىڭ الەۋمەتتىك-ەكونوميكالىق دامۋىنا ۇلەس قوسقان ازاماتتار مەن قۇرىلىس مەكەمەسىنىڭ ماماندارى ماراپاتتالدى.
