قىزمەت «QazaqGaz Aimaq» اق تۇتىنۋشىلارى ءۇشىن قولجەتىمدى جانە جەكە تۇلعالارعا تەگىن ۇسىنىلادى. تەحنيكالىق شارتتار وبەكتىنى گاز تاراتۋ جۇيەسىنە قوسۋ مۇمكىندىگىن راستايتىن رەسمي قۇجات سانالادى.
قىزمەتتى م ۇلىك يەسى پايدالانا الادى. ول ءۇشىن «eGov Mobile» قوسىمشاسىندا كورسەتىلگەن بارلىق مىندەتتى ورىستەردى تولتىرىپ, م ۇلىككە تىركەلگەن قۇقىقتاردى راستاۋى قاجەت. قىزمەتتى الۋ ءۇشىن پايدالانۋشى قوسىمشادا اۆتوريزاتسيادان ءوتىپ, «قىزمەتتەر» بولىمىندە «جىلجىمايتىن م ۇلىك جانە تكش» ساناتىنان «گاز تاراتۋ جەلىلەرىنە قوسىلۋعا تەحنيكالىق شارتتار بەرۋ» باتىرماسىن باسۋى قاجەت. كەيىن گازبەن جابدىقتاۋ وبەكتىسىنىڭ ءتۇرىن, م ۇلىكتى تاڭداپ, وبەكتىنىڭ تەحنيكالىق پاسپورتىن تىركەيدى. سونىمەن قاتار تەحنيكالىق شارتتىڭ ءتۇرىن, قوسىلۋ سەبەبىن, گاز شىعىنىن كورسەتىپ, گاز جابدىعىنىڭ ءتۇرى مەن سانىن تاڭداۋ كەرەك. سوڭىندا وتىنىمگە» Face ID» نەمەسە «Touch ID» ارقىلى قول قويىلادى.
ءوتىنىم دۇرىس تولتىرىلسا, قىزمەت كورسەتۋ ناتيجەسىندە تەحنيكالىق شارتتار بەرىلەدى نەمەسە باس تارتۋ تۋرالى شەشىم شىعارىلادى. باس تارتۋ سەبەبى رەتتەلەتىن قىزمەتتى ۇسىنۋ ءۇشىن قاجەتتى قۋاتتار مەن وتكىزۋ مۇمكىندىكتەرىنىڭ بولماۋىنان تۋىنداۋى مۇمكىن. تەحنيكالىق شارتتاردى بەرۋ مەرزىمى نىساننىڭ كۇردەلىلىگىنە بايلانىستى بولادى. كۇردەلى ەمەس نىساندار ءۇشىن 5 جۇمىس كۇنىن, ال كۇردەلى نىساندار ءۇشىن 10 جۇمىس كۇنىنە سوزىلادى.
