ۆيدەونىڭ جازباسىندا توبەلەستىڭ 5 قاڭتاردا ارال اۋدانى جاقسىقىلىش اۋىلىندا بولعانى ايتىلعان.
كادرلاردا اۋىل كوشەلەرىنىڭ بىرىندە توپ-توپ جاستاردىڭ ءجۇرىپ بارا جاتقانىن كورۋگە بولادى.
ايقاي مەن پوليتسيا سيرەناسىنىڭ دىبىسى ەستىلەدى.
پوليتسيانىڭ مالىمەتىنشە, بۇزاقىلىق بابى بويىنشا قىلمىستىق ءىس قوزعالدى.
- تەرگەۋ بارىسىندا پوليتسيا قىزمەتكەرلەرى جانجالعا قاتىسقانداردىڭ جەكە باسىن انىقتاپ جاتىر. قىلمىستىق ءىس ماتەريالدارى بويىنشا قۇقىقتىق باعا بەرىلەدى, - دەپ حابارلادى وبلىستىق پوليتسيا دەپارتامەنتىنىڭ ءباسپاسوز قىزمەتى.
ارال اۋداندىق كوپسالالى ورتالىق اۋرۋحاناسىندا مەديتسينالىق كومەك سۇراپ ەشكىمنىڭ حابارلاسپاعانىن ايتتى.
ارال اۋداندىق اكىمدىگى توبەلەسكە 2004-2007 جىلى تۋعان 15-20-عا جۋىق ادام قاتىسقانىن حابارلادى.
- 5 قاڭتاردا ساعات شامامەن 23:00-دە جاقسىقىلىش اۋىلىندا جاستار توپ بولىپ توبەلەستى. قۇقىق قورعاۋ ورگاندارىنىڭ جەدەل ارەكەتىنىڭ ارقاسىندا جانجال دەرەۋ تىيىلدى. توبەلەسكەندەردىڭ ەشقايسى اۋىر دەنە جاراقاتتارىن المادى. قازىرگى ۋاقىتتا قىلمىستىق كودەكستىڭ 293-بابىنا ("بۇزاقىلىق") سايكەس, سوتقا دەيىنگى تەرگەۋ امالدارى جۇرگىزىلىپ جاتىر. اۋدان اكىمدىگى قۇقىق قورعاۋ ورگاندارىمەن بىرلەسە تۇنگى رەيدتەر ۇيىمداستىرىپ جانە قىلمىستىڭ الدىن الۋ بويىنشا قاجەتتى شارالاردى قابىلداپ جاتىر, - دەپ حابارلادى اكىمدىك.
