فوتو: قما
انىقتالعانداي, ولار كوپقاباتتى تۇرعىن ءۇي كەشەنىن سالامىز دەگەن جەلەۋمەن 1,8 ملرد تەڭگە كولەمىندەگى قاراجاتتى جىمقىرعان.
«وسكەمەن قالاسىندا ەكى كۇدىكتى 102 ازاماتتى الداپ, قۇرىلىسقا ۇلەسكەر رەتىندە قاتىسۋعا جالعان كەلىسىمشارتتار جاساعاندارى انىقتالدى. ءىس جۇزىندە تۇرعىن ءۇي نىسانىنىڭ قۇرىلىسى ۇزاققا سوزىلعان. مەرزىمدەرى بىرنەشە مارتە ۇزارتىلعانىمەن, كوپپاتەرلى ءۇي كەشەنىنىڭ قۇرىلىسى اياقتالماعان», دەلىنگەن حابارلامادا.
ايتا كەتەيىك, كومپانيالار زاڭ تالاپتارىن بۇزعان جانە ۇلەسكەرلەردىڭ قاراجاتىن تارتۋعا رۇقسات قۇجاتتارى بولماعان.
«بۇگىنگى تاڭدا كۇدىكتىلەر سوتتىڭ سانكتسياسىمەن ۇستالىپ, تەرگەۋ يزولياتورىنا قاماۋعا الىندى. تەرگەۋ امالدارىن جۇرگىزۋ بارىسىندا كۇدىكتىلەردىڭ 2,3 ملرد تەڭگە مۇلكىنە تىيىم سالىندى. زارداپ شەككەن ازاماتتارعا قاراجاتتارىن قايتارۋ جۇمىسى جۇرگىزىلىپ جاتىر», دەپ حابارلادى قما ءباسپاسوز قىزمەتى.
