وتاندىق ستارتاپ ولجاسى

بيىل باعدارلاماعا قازاق­ستان, قىرعىزستان, وزبەكستان جانە ازەربايجان ەلدەرىنەن 49 ستارتاپ ءوتىنىم بەردى. العاشقى ىرىكتەۋ كەزەڭى مەن ونلاين دياگنوستيكادان كەيىن ۇزدىك 10 جوبا تاڭدالدى. قورىتىندى كەزەڭگە شىققان ستارتاپتار اراسىندا وتاندىق «Outpeer», «Beksar», «BULT», «BeyimTech», «AMAN», «Oqylyq», «Ecodata», «Pwron.ai», «Q-send» جانە قىرعىزستاندىق «Onbir.app» ستارتاپتارى بار.

«Hero Training» باعدار­لاماسى ءوز تيىمدىلىگىن دالەلدەي وتىرىپ, ستارتاپتاردىڭ اۋقىم­دى دەڭگەيگە شىعۋىنا مۇم­كىندىكتەر ۇسىنىپ كەلەدى. الدىڭعى لەكتەردە قازاقستان, قىرعىزستان, وزبەكستان, تاجىك­ستان, موڭعوليا, ازەربايجان جانە تۇركيادان 37 فيناليست قاتىسىپ, ولار جالپى 2,7 ميلليون دوللار ينۆەستيتسيا تارتتى. ءبىز ستارتاپتاردى جاڭا دەڭگەيگە كوتەرىپ, ولاردىڭ عالامدىق دەڭگەيگە شىعۋىنا كومەكتەسەتىن پلاتفورما ۇسى­نىپ وتىرعانىمىزدى ماقتان تۇتامىز»,  دەدى «Astana Hub» باس ديرەكتورى ماعجان ماديەۆ.

ءۇشىنشى لەك فيناليستەرى كرەمني القابىنداعى جەتەك­شى ساراپشىلاردىڭ مەن­تورلىعىمەن جوعارى ناتي­جەلەر كورسەتتى. ولار بىرنەشە ۆوركشوپتارعا قاتىسىپ, «Survival Week» سىناعى بارىسىندا ەكسترەمالدى جاعدايدا ءومىر ءسۇرۋ جانە جىلدام شەشىم قابىلداۋ داعدىلارىن يگەردى.

ايتا كەتەيىك, تاريحتا ال­عاش رەت ەلىمىزدەن شىققان «BeyimTech» كومپانياسى «Hero Training» باعدارلاماسىندا ءبىرىنشى ورىن يەلەنىپ, 26 ەلدەن كەلگەن 70 قاتىسۋشىنىڭ اراسىنان «Draper University 2024 ۇزدىك كومانداسى» اتاعىن الدى.

«ستارتابىمىزدىڭ تسيفر­لىق ءبىلىم بەرۋ سالاسىنداعى يننو­ۆا­تسيالىق شەشىم رەتىندە مويىن­دا­لۋى ءبىزدىڭ الداعى دا­مۋى­­مىزعا جول اشادى. ەندى كوم­پا­­نيامىزدىڭ اتاۋى «Draper University»-ءنىڭ قۇرمەت تاقتاسىنان ورىن الاتىن بولادى. سونىمەن قاتار ءبىز «Arizona State University»-مەن ستراتەگيالىق سەرىكتەستىك ورناتىپ, «beyim.ai» پلاتفورمامىزدى ەنگىزۋ بويىن­شا كەلىسىم جاساستىق. اقش-تاعى «GSV Cup 50» بەدەلدى جۇلدەسىنە ۇمىتكەر اتانعانىمىز دا ماقتانىشپەن ايتا الامىز», دەدى «BeyimTech» كومپانياسىنىڭ باس ديرەكتورى نۇرسۇلتان دۇيسەباەۆ.

سونىمەن قاتار ەلىمىزدەگى ال­عاشقى تسيفرلىق جانە فيزي­كالىق قاۋىپسىزدىك قىزمەتىن ۇسىنۋشى – «AMAN» جوباسى دا بىرنەشە گيپوتەزانى سىناپ كورىپ, اقش نارىعىنا شىعۋعا قاجەتتى قۇندى اقپارات جينادى.

ء«بىز 26 ەلدەن كەلگەن ستار­تاپ­تاردىڭ نەگىزىن قالاۋشى­لارىمەن تانىستىق. بۇل  بىزگە حالىقارالىق ماسشتابقا شى­عۋ مۇمكىندىكتەرىن ۇسىندى. سونداي-اق باعدارلاما بىزگە كوشباسشىلىق داعدىلاردى مەڭگەرىپ, كوماندا ىشىندە جۇمىس ىستەۋگە كومەكتەستى», دەدى «AMAN» كومپانياسىنىڭ نەگىزىن قالاۋشى شىڭعىس ەربولات.

بلوكچەين نەگىزىندە اقشا اۋدارىمدارىن جاساۋعا ارنالعان پلاتفورما «Q-Send» اقش جانە قىرعىزستان كومپانيالارىمەن سەرىكتەستىك ورناتتى. ال بيزنەس-پروتسەستەردى اۆتوماتتاندىرۋ جانە مالىمەتتەردى تالداۋ ماقساتىندا جاساندى ين­تەللەكتىنى قولداناتىن ستار­تاپ – «Pwron.ai»  مايامي نارى­عىندا ساتۋ تۋرالى كەلىسىمگە قول قويدى.