فوتو: استانا قالاسى اكىمدىگى
الماتى اۋدانىندا تاۋەلسىزدىك داڭعىلى بويىنداعى وقۋشىلار سارايىنىڭ اۋماعىندا, بايقوڭىر اۋدانىنىڭ اتاتۇرىك ساياباعىنىڭ اۋماعىندا, نۇرا اۋدانىنداعى ورتالىق ساياباقتا جانە سارىارقا اۋدانىنىڭ «كوكتال» ساياباعىندا ساعات 12:00-دەن 13:30-عا دەيىن مەرەكەلىك كونتسەرتتىك باعدارلامالار وتەدى.
سارايشىق اۋدانىندا پرومىشلەننىي تۇرعىن الابىندا جاڭا جىلدىق باعدارلاما ساعات 13.00-دەن 14.30-عا دەيىن وتەدى.
جاڭا جىل قارساڭىندا 31 جەلتوقساننان 1 قاڭتارعا دەيىن قالانىڭ ءۇش ورنىندا مەرەكەلىك ءىس-شارالار وتەدى.
31 جەلتوقساندا ساعات 21:00-دەن 02:00-گە دەيىن قالالىق الاڭدا (قالا اكىمدىگىنىڭ الدىندا), «قازاق ەلى» مونۋمەنتى مەن ەكسپو الاڭىنىڭ اۋماعىندا وتاندىق ەسترادا جۇلدىزدارى مەن شىعارماشىلىق ۇجىمداردىڭ قاتىسۋىمەن قالا تۇرعىندارى مەن قوناقتارى ءۇشىن جاڭا جىلدىق مەرەكەلىك كونتسەرتتەر وتەدى.
ءىس-شارالارعا ەسترادا جۇلدىزدارى الماس كىشكەنباەۆ, اۋree, ەركەش حاسەن, بەيبىت قورعان, قايرات باەكەنوۆ, زارينا وماروۆا, يلحان يحسان, قۇرماش ماحان, مارجان اراپباەۆا, الىشەر كارىموۆ, سول سياقتى زامان جانە مەلومەن توپتارى جانە باسقا دا ارتىستەر قاتىسادى.
