ايتا كەتەيىك, بۇل – «ساق ءستيلى» سەرياسى اياسىندا شىققان ءۇشىنشى بانكنوت. جاڭا جانە ەسكى ۇلگىدەگى بانكنوتتاردىڭ اينالىمدا قاتار ءجۇرۋ كەزەڭى 2025 جىلدىڭ 25 جەلتوقسانىنان 2026 جىلدىڭ 24 ماۋسىمىنا دەيىنگى ارالىقتى قامتيدى.
شىڭداعى ەلەكتر ستانساسى
قىتايدا شىڭعا كۇن ەلەكتر ستانساسى سالىندى. ول تەڭىز دەڭگەيىنەن 5 240 مەتر بيىكتە تۇر. قۇرىلىسشىلار تاۋ باسىنا 200 مىڭنان استام پانەل شىعارىپ بەكىتكەن.
اۋماعى 177 فۋتبول الاڭىنداي بولاتىن ستانسانىڭ قۋاتى 52 مىڭ حالقى بار اۋىلدى جىل بويى تۇراقتى جارىقپەن قامتاماسىز ەتە الادى. جوبا تيبەت اۆتونومدىق وكرۋگىندە ىسكە قوسىلدى. «ەڭ قيىنى – تەمپەراتۋرا وتە سۋىق. جىلىنا 158 ميلليون كيلوۆات ساعات ەنەرگيا وندىرىلەدى. بۇل ءبىر جىلدا 47 مىڭ توننادان استام كومىر ۇنەمدەۋگە مۇمكىندىك بەرەدى. بۇل – ۇلكەن بيىكتىكتە جۇزەگە اسقان ءبىرىنشى جوبا», دەدى كۇن ەلەكتر ستانساسىنىڭ جوبا جەتەكشىسى ۆان چجانپين.
ەرەكشە كافە
وڭتۇستىك كورەيادا ەرەكشە كافە اشىلدى. ەرەكشەلىگى سول, ءدامحانانىڭ تەرەزەسىنەن قاراساڭ, جىل بويى جاڭبىر جاۋىپ تۇرعانداي اسەر قالدىرادى.
كەلۋشىلەر ىستىق كوفە ءىشىپ, تەرەزە الدىندا كورپەگە ورانىپ دەمالادى نەمەسە تەگىن بەرىلەتىن پلاشش پەن قولشاتىردى پايدالانىپ, ىشكى اۋلادا جىلى جاڭبىردىڭ استىندا سەرۋەندەي الادى. كافە اتموسفەراسى دەمالۋعا, جايلى ۋاقىت وتكىزۋگە ارنالعان, ال جاساندى جاڭبىردىڭ سيقىرى كەلۋشىلەردى ءتانتى ەتەدى.
