فوتو: ۆەدومستۆو
جىل باسىنان بەرى بالقاش كولىنە 15,4 ملرد تەكشە مەتر سۋ كەلدى, بۇل بىلتىرعى كورسەتكىشتەن 4 ملرد تەكشە مەترگە ارتىق. ونىڭ ىشىندە تاسقىن كەزىندە 3,3 ملرد تەكشە مەتر سۋ ءتۇستى.
جىل باسىنان بەرى كاسپي تەڭىزىنە 17 ملرد تەكشە مەتر سۋ كەلگەن.
الماتى وبلىسىنداعى قاپشاعاي سۋ قويماسى سوڭعى 10 جىلدا العاش رەت 100%-عا تولىپ, 18 ملرد تەكشە مەتردەن استام سۋ جيناعان.
سۋ تاسقىنى كەزىندە باتىس قازاقستان وبلىسىنىڭ قامىس-سامار كولدەرىنە 80 ملن تەكشە مەتر سۋ جىبەرىلگەن.
ۇلىتاۋ وبلىسىنان قىزىلوردا وبلىسىنا 839 ملن تەكشە مەتر سۋ كەلىپ, باقىلاۋ تاريحىندا العاش رەت بۇل سۋ سارىسۋ وزەنى ارقىلى قىزىلوردا وبلىسىنىڭ كولدەر جۇيەسىنە جەتتى.
سۋ رەسۋرستارى جانە يرريگاتسيا مينيسترلىگىنىڭ ءباسپاسوز قىزمەتىنىڭ ءمالىم ەتۋىنشە سۋ ديپلوماتياسى, سۋدى ءدال ءبولۋ جانە سۋ ۇنەمدەۋ تەحنولوگيالارىن ەنگىزۋ ارقىلى ەلىمىزدىڭ وڭتۇستىگىندە سۋ بالانسىن جاقسارتۋعا قول جەتكىزىلدى. ماسەلەن, بيىل سولتۇستىك ارالعا شامامەن 2,5 ملرد تەكشە مەتر سۋ جىبەرىلدى, بۇل 2023 جىلمەن سالىستىرعاندا 400 ملن تەكشە مەترگە ارتىق. بۇل رەتتە, قىزىلوردا وبلىسىنىڭ شارۋالارى سۋ ۇنەمدەۋ تەحنولوگيالارىن پايدالانعاندىقتان 200 ملن تەكشە مەترگە دەيىن سۋ ۇنەمدەپ, ول سۋ سولتۇستىك ارالعا جىبەرىلگەنىن دە ايتا كەتكەن ءجون. جىل باسىنان بەرى قىزىلوردا وبلىسىنىڭ كولدەر جۇيەسىنە 4,7 ملرد تەكشە مەتردەن استام سۋ جىبەرىلدى, (بىلتىر شامامەن 4,3 ملرد تەكشە مەتر).
ء«بىز ارقاشان سۋ رەسۋرستارىن بولۋدە ەكونوميكانىڭ قاجەتتىلىكتەرى مەن سۋ نىساندارىنىڭ ەكوجۇيەسىن قولداۋ اراسىنداعى دۇرىس تەپە-تەڭدىكتى ىزدەيمىز. بيىل شارۋالارعا جانە باسقا دا سۋ پايدالانۋشىلارعا كەرى اسەرىن تيگىزبەستەن ۇلكەن جانە شاعىن سۋ ايدىندارىن ساقتاۋ-قالپىنا كەلتىرۋ بويىنشا ۇلكەن جۇمىس اتقارىلدى. مىسالى, وتكەن سۋارۋ كەزەڭىندە شارۋا قوجالىقتارىنا شامامەن 11 ملرد تەكشە مەتر سۋ بەرىلدى. بولاشاقتا بۇل باعىتتاعى جۇمىس جاقسارادى. ونىڭ ىشىندە سۋدى ساۋاتتى باسقارۋ جانە تۇتىنۋعا باسىمدىق بەرەتىن جاڭا نورماتيۆتىك-قۇقىقتىق بازا قۇرۋ ەسەبىنەن دە ناتيجەگە جەتۋگە نيەتتىمىز», دەدى سالا ءمينيسترى نۇرجان نۇرجىگىتوۆ.
