كاسىپورىننىڭ قۋاتى جىلىنا 150 مىڭ توننا كۇنباعىس ءدانىن وڭدەۋگە جەتەدى. سونىڭ ناتيجەسىندە 50-60 مىڭ توننا ماي ءوندىرۋدى جوسپارلاپ وتىر. ءونىم زاماناۋي تەحنولوگيالاردى قولدانۋ ارقىلى وندىرىلەتىن بولعاندىقتان جوعارى ساپاعا كەپىلدىك بەرىلمەك. سونىمەن قاتار زاۋىت قاجەتتى شيكىزات پەن دايىن ءونىمدى ەلىمىزدىڭ باسقا وبلىستارىنا جەتكىزۋ مەن وزگە ءوڭىر تۇرعىندارىن قامتاماسىز ەتۋدى كۇن تارتىبىنە قويعان.
سالتاناتتى ءىس-شاراعا قاتىسقان قالا اكىمى نۇربول نۇرساعاتوۆ ءوز سوزىندە وسىنداي كاسىپورىنداردىڭ اشىلۋى سەمەي قالاسىنىڭ ينۆەستيتسيالىق تارتىمدىلىعىنىڭ ارتىپ كەلە جاتقانىن, ءوڭىر ەكونوميكاسىنىڭ وركەندەۋى مەن نىعايۋىنا جەرگىلىكتى كاسىپكەرلەردىڭ قوسىپ جاتقان ۇلەسىن ايرىقشا اتادى.
قۇنى 17,3 ملرد تەڭگەنى قۇرايتىن جوبانى «Agro oil group» كومپانياسى جۇزەگە اسىرىپ وتىر. ءوندىرىس ورنى وبلىس ورتالىعى سەمەي قالاسىنىڭ الەۋمەتتىك-ەكونوميكالىق جاعدايىن جاقسارتىپ, الداعى ۋاقىتتا ءوڭىر ونەركاسىبىن ورگە سۇيرەپ, ايماقتىڭ ەكسپورتتىق اياسىن كەڭەيتۋگە مۇددەلى.
اباي وبلىسى
