كورسەتىلگەن ينفوگرافيكا ەلىمىزدە ايەلدەر مارتەبەسىن كوتەرۋدىڭ تاريحي بەلەستەرىن تۇڭعىش قىزدار ۋچيليششەسىنەن باستاپ, قازىرگى زاڭنامالىق وزگەرىستەرگە دەيىن سۋرەتتەيدى. بۇل تاريحي جولداعى ءار قادام ايەلدەردىڭ قوعامداعى ءرولىنىڭ بىرتىندەپ نىعايا تۇسكەنىن ايشىقتايدى.
1991 جىلى تاۋەلسىزدىگىمىزگە قول جەتكىزگەننەن باستاپ ءبىز ءوز باعىتىمىزدى دەربەس انىقتاۋعا مۇمكىندىك الىپ, ايەل مارتەبەسىن ۇلتتىق ساياساتتىڭ ماڭىزدى باعىتى رەتىندە دامىتا تۇستىك. رەسپۋبليكامىز قول قويعان حالىقارالىق كەلىسىمدەر مەن ازىرلەگەن ۇلتتىق ستراتەگيا-جوسپارلار ايەلدەردىڭ ساياسي, ەكونوميكالىق جانە قوعامدىق ومىرگە بەلسەندى ءارى تەڭ قاتىسۋىنىڭ قۇقىقتىق نەگىزىن بەكىتتى.
وسى جۇمىستىڭ ماڭىزدى قادامى رەتىندە 2023 جىلدىڭ قاراشا ايىندا «Amanat» پارتياسى ايەلدەر قاناتىنىڭ قۇرىلۋىن اتاپ وتسە بولادى. ونىڭ ميسسياسى – ايەلدەردى بارلىق دەڭگەيدە قولداۋ, ولاردىڭ الەۋەتىن اشۋعا جاردەمدەسۋ جانە دامۋىنا كەدەرگى كەلتىرەتىن توسقاۋىلداردى جويۋ. ايەلدەر قاناتى ءبىلىم, دەنساۋلىق ساقتاۋ, كاسىپكەرلىك, ەرەكشە قاجەتتىلىكتەرى بار جانداردى قولداۋ, قۇقىقتىق قورعاۋ جانە گەندەرلىك ستەرەوتيپتەردەن ارىلۋ باعىتىنداعى جوبالاردى بەلسەندى ىسكە اسىرىپ كەلەدى. اسىرەسە اۋىلدى جەرلەردەگى ايەلدەردى قولداۋعا, كاسىبي مانساپ پەن وتباسىلىق مىندەتتەردى ۇيلەستىرۋگە جاعداي جاساۋعا, سونداي-اق قوعامنىڭ ۇيلەسىمدى دامۋىنىڭ نەگىزى – وتباسىلىق قۇندىلىقتار مەن انا ءرولىن نىعايتۋعا باسا نازار اۋدارادى.
ايەلدەر قاناتى بۇكىل قوعامنىڭ دامۋىنا سۇبەلى ۇلەس قوسۋعا تالپىنادى. «بالاڭا ۋاقىت ارنا!», «ايەل اماناتى» جانە «توميريس» جوبالارى ايەلدەردىڭ ومىردە كەزىگەتىن قيىندىقتاردى جەڭىپ, ءوز قابىلەتتەرىن اشۋعا كومەكتەسەدى.
پرەزيدەنت قاسىم-جومارت توقاەۆ اتاپ وتكەندەي: «مەملەكەت ءاردايىم گەندەرلىك تەڭدىكتى قامتاماسىز ەتۋگە, ايەلدەردىڭ قۇقىقتارىن قورعاۋعا جانە وتباسىلىق قۇندىلىقتاردى نىعايتۋعا ەرەكشە نازار اۋدارادى. ايەلدەردىڭ ءال-اۋقاتى – ۇلتىمىزدىڭ جارقىن بولاشاعىنىڭ كەپىلى».
شولپان كارينوۆا,
«Amanat» پارتياسىنىڭ حاتشىسى,
ايەلدەر قاناتىنىڭ ءتورايىمى
