تەرگەۋ دەرەكتەرىنە سايكەس, ول قىزمەتىن پايدالانىپ, جۇك ۆاگوندارىن باسقارۋ قىزمەتتەرىن كورسەتۋ كەزىندە وزىنە جاقىن كومپانيالارعا زاڭسىز ارتىقشىلىق بەرگەن. سونىڭ سالدارىنان كومپانياعا 5,2 ملرد تەڭگەدەن استام شىعىن كەلتىرىلگەن.
قازىرگى ۋاقىتتا كاپەنوۆ حالىقارالىق ىزدەۋگە جاريالانعان. سوت شەشىمىمەن وعان قاماۋعا الۋ تۇرىندەگى بۇلتارتپاۋ شاراسى تاعايىندالعان.
زالالدى وتەۋ جانە زاڭسىز الىنعان اكتيۆتەردى قايتارۋ ماقساتىندا باس كولىك پروكۋراتۋراسى «دوستىق» ستانتسياسىنداعى تەرمينالدى تاركىلەۋدى سۇراعان. استانا قالاسىنىڭ قىلمىستىق ىستەر جونىندەگى اۋدانارالىق سوتى بۇل م ۇلىكتى مەملەكەت مەنشىگىنە بەرۋ تۋرالى شەشىم شىعاردى.
قازىرگى ۋاقىتتا تەرگەۋ جالعاسۋدا. قىلمىستىق-پروتسەستىك كودەكستىڭ 201-بابىنا سايكەس, وزگە اقپارات جاريا ەتىلمەيدى.
