فوتو: Polisia.kz
Polisia.kz-ءتىڭ مالىمەتىنشە, 2 ءساۋىر كۇنى پوليتسياعا جاس جىگىت جۇگىنگەن. ونىڭ ايتۋىنشا, تانىستىق TikTok پلاتفورماسىندا باستالعان. ول كومەك سۇراعان بەينەروليكتى كورىپ, كەيىن WhatsApp ارقىلى حات الماسۋدى جالعاستىرعان. ءبىر ايدان سوڭ الگى قىز ءوزىن اۋىر ناۋقاسپىن دەپ تانىستىرىپ, ەمدەلۋگە اقشا سۇراعان.
بانك باسشىسىنىڭ بەينەسىن قولدانعان: جەلىدە الاياقتىقتىڭ جاڭا ءتۇرى پايدا بولدى
العاشىندا سۇرالعان سوما 13 مىڭ تەڭگە بولعان. الايدا ۋاقىت وتە كەلە «ەمگە قاجەت قاراجات» كولەمى ۇلعايا بەرگەن. ءبىراز ۋاقىتتان كەيىن جىگىتكە قىزدىڭ قايتىس بولعانى حابارلانعان. ارتىنشا وعان ءوزىن جەرلەۋ قىزمەتكەرلەرى رەتىندە تانىستىرعان ادامدار, كەيىن «مارقۇمنىڭ كورشىسىمىن» دەگەن ايەل حابارلاسىپ, 4 بالانى اسىراۋعا كومەك سۇراعان.
وسىلايشا, جابىرلەنۋشى بارلىعى 64 رەت اقشا اۋدارعان. قاراجات تابۋ ءۇشىن ول بىرنەشە نەسيە راسىمدەپ, تانىستارىنان قارىز العان. الاياقتىق ارەكەت جىگىتتىڭ اپكەسى ونىڭ حات الماسۋى مەن اۋدارىمدارىن كورگەننەن كەيىن عانا اشكەرەلەنگەن.
سوتقا دەيىنگى تەرگەپ-تەكسەرۋ باستالدى. سولتۇستىك قازاقستان وبلىسىنىڭ تۇرعىنى انىقتالىپ, ونىڭ ىسكە قاتىسى تەكسەرىلىپ جاتىر.
الاياقتىقتىڭ الدىن الۋ: ۇستازدار اراسىندا ارنايى اكتسيا ۇيىمداستىرىلدى
