فوتو: اشىق دەرەككوز
قازاقستان قور بيرجاسى دەرەگىنشە, ساۋدا-ساتتىقتىڭ ورتاشا كۇندىك كولەمى ءبىر ايدا 372 ملن دوللاردان 394 ملن دوللارعا دەيىن ۇلعايعان. جالپى ساۋدا كولەمى 8,7 ملرد دوللاردى قۇرادى.
ساۋىردە رەسپۋبليكالىق بيۋدجەتكە ترانسفەرتتەردى قامتاماسىز ەتۋ ءۇشىن ۇلتتىق قوردان 300 ملن دوللار كولەمىندە ۆاليۋتا ساتىلدى. بۇل – جالپى ساۋدا كولەمىنىڭ 3,5%-ى, نەمەسە كۇنىنە شامامەن 13,6 ملن دوللار.
مامىر ايىندا دا وسى باعىتتاعى وپەراتسيالار جالعاسادى. كۇتىلەتىن فيسكالدىق تۇسىمدەر مەن ۇكىمەتتىڭ الدىن الا وتىنىمدەرى نەگىزىندە 400-500 ملن دوللار كولەمىندە ۆاليۋتا ساتۋ جوسپارلانىپ وتىر.
سونىمەن قاتار, ساۋىردە «اينالاۋ» وپەراتسيالارى اياسىندا شامامەن 354 ملرد تەڭگە الىندى. مامىر ايىندا دا وسى كولەمدە ۆاليۋتا ساتۋ كوزدەلگەن. ۇلتتىق بانك مۇنداي وپەراتسيالار كەزىندە نارىقتىق بەيتاراپتىق قاعيداتىن قاتاڭ ۇستاناتىنىن اتاپ ءوتتى.
ەسەپتى كەزەڭدە ۇلتتىق بانك ۆاليۋتالىق ينتەرۆەنتسيا جۇرگىزگەن جوق. ال كۆازيمەملەكەتتىك سەكتور سۋبەكتىلەرى مىندەتتى ساتۋ نورماسى اياسىندا شامامەن 273 ملن دوللار كولەمىندە ۆاليۋتالىق ءتۇسىمىن وتكىزدى.
زەينەتاقى اكتيۆتەرىنە قاتىستى جاعداي دا وزگەرگەن. تەڭگەنىڭ نىعايۋى مەن جارنالاردىڭ ارتۋى ناتيجەسىندە بجزق اكتيۆتەرىندەگى ۆاليۋتالىق ۇلەس 40%-دان تومەندەدى. وسىعان بايلانىستى ۇلتتىق بانك ساۋىردە بيرجالىق ساۋدا ارقىلى 502 ملن دوللار ساتىپ الدى, بۇل جالپى ساۋدا كولەمىنىڭ 5,8%-ىن قۇرايدى.
«نەسيەڭىزدىڭ مارتەبەسى جاڭارتىلدى»: ۇلتتىق بانك الاياقتاردىڭ جاڭا ايلاسى تۋرالى ەسكەرتتى
ۇلتتىق بانك ۆاليۋتا نارىعىنداعى وپەراتسيالار تۋرالى اقپاراتتى تۇراقتى تۇردە جاريالاپ وتىراتىنىن مالىمدەدى. قىسقا مەرزىمدە تەڭگە باعامىنىڭ ديناميكاسى نارىق قاتىسۋشىلارىنىڭ كۇتۋلەرىنە, توقساندىق سالىق تولەمدەرىنە, جاھاندىق نارىقتار مەن گەوساياسي احۋالعا تاۋەلدى بولماق.
رەتتەۋشى الداعى ۋاقىتتا دا تەڭگەرىمسىزدىككە جول بەرمەيتىن جانە التىن-ۆاليۋتا رەزەرۆتەرىن ساقتاۋدى قامتاماسىز ەتەتىن يكەمدى ايىرباس باعامى ساياساتىن جالعاستىرادى.
ۇلتتىق بانك اتىن جامىلعان الاياقتار اقتوبەلىك تۇرعىننىڭ 5 ملن تەڭگەسىن جىمقىرعان
