فوتو: Depositphotos.com
زەرتتەۋ ناتيجەلەرى تۋعان مەزگىلدىڭ ادام تاعدىرىنا بەلگىلى ءبىر دەڭگەيدە اسەر ەتەتىنى تۋرالى gazetabalakovo.ru مالىمەتىنشە, كۇز ايلارىندا دۇنيەگە كەلگەندەردىڭ قارتتىققا جەتۋ مۇمكىندىگى جوعارى ەكەنى انىقتالعان. عالىمداردىڭ دەرەگىنشە, كۇزدە تۋعاندار مەن كوكتەمدە تۋعانداردىڭ ءومىر ءسۇرۋ ۇزاقتىعى اراسىنداعى ايىرماشىلىق شامامەن 40% قۇرايدى.
سونىمەن قاتار, زەرتتەۋ بارىسىندا تۋعان مەزگىلدىڭ دەنساۋلىققا دا ىقپالى بارى بايقالعان. ماسەلەن, قىس ايلارىندا تۋعان ادامدار شيزوفرەنياعا جيىرەك شالدىعۋى مۇمكىن, الايدا ولار جازدا تۋعاندارعا قاراعاندا اللەرگيا مەن جاقىننان كورمەۋ دەرتىنە سيرەك ۇشىرايدى.
عالىمدار ءبىلىم الۋ ۇدەرىسىنە دە تۋعان ۋاقىتتىڭ اسەرى بارىن ايتادى. وقۋ جىلىنىڭ باسىندا دۇنيەگە كەلگەن بالالاردىڭ ۇلگەرىمى جوعارىراق بولاتىنى بايقالعان.
ەلوردادا تاعى ءبىر «بەلسەندى ۇزاق ءومىر ءسۇرۋ» ورتالىعى اشىلدى
دەگەنمەن زەرتتەۋشىلەر بۇل تۇجىرىمدار ادامنىڭ تاعدىرىن ناقتى بولجاپ بەرمەيتىنىن ەسكەرتەدى. نەگىزگى ماقسات – تۋعان ايمەن بايلانىستى فاكتورلاردىڭ ادام ومىرىنە اسەرىن زەردەلەۋ.
سونداي-اق زەرتتەۋ ناتيجەسى ادامنىڭ ىشكى كوڭىل كۇيى مەن ومىرگە كوزقاراسىنىڭ دا ماڭىزدى ءرول اتقاراتىنىن كورسەتكەن. عالىمداردىڭ پىكىرىنشە, وپتيميست ادامدار پەسسيميستەرگە قاراعاندا ۇزاق ءومىر سۇرۋگە بەيىم. وسىلايشا, ءومىر ۇزاقتىعىنا تەك بيولوگيالىق فاكتورلار عانا ەمەس, پسيحولوگيالىق كۇي مەن تۋعان ۋاقىت تا ىقپال ەتەدى.
