ۆيدەودان الىنعان كادر
وقيعا بارىسىندا پوليتسەيلەر قوزعالىس ەرەجەسىن بۇزعان بىرنەشە كولىكتى انىقتاپ, ولاردىڭ جولىن كەستى. كورتەج جۇرگىزۋشىلەرى قارسى باعىتقا شىعۋ, باعدارشامنىڭ تىيىم سالاتىن سيگنالىنا قاراماي ءوتۋ, كەرى باعىتتا ءجۇرۋ جانە باسقا دا قاۋىپتى مانەۆرلەر جاساۋ ارقىلى جول قوزعالىسىنىڭ قاۋىپسىزدىگىنە قاتەر توندىرگەن.
بەينەباقىلاۋ كامەرالارى مەن جەدەل پوليتسيا ارەكەتىنىڭ ناتيجەسىندە بارلىق كولىكتەر انىقتالىپ, قۇقىق بۇزۋشىلىقتار توقتاتىلدى.
بارلىق جۇرگىزۋشىلەر زاڭ الدىندا جاۋاپكەرشىلىككە تارتىلدى. 12 اۆتوكولىك ايىپتۇراققا قويىلىپ, ەكى ادامعا قاتىستى اكىمشىلىك قاماۋ شاراسى قولدانىلدى.
پوليتسيا وكىلدەرى مۇنداي ارەكەتتەرگە قاتاڭ تىيىم سالىناتىنىن ەسكەرتىپ, الەۋمەتتىك مارتەبەگە قاراماستان جول ەرەجەسىن بۇزعاندارعا زاڭ اياسىندا ءتيىستى شارا قولدانىلاتىنىن مالىمدەدى.
