قۇرباندىق شالۋ كۇن سايىن ساعات 07:00-دەن 18:00-گە دەيىن تەك ارنايى بەكىتىلگەن بەس ورىندا عانا جۇرگىزىلەدى.
بايقوڭىر اۋدانىندا ءتورت ورىن انىقتالدى:
- «شانحاي» بازارى;
- «باراكات» بازارى;
- «جايلاۋ» بازارى;
- «شاۋشەن» شارۋا قوجالىعى.
ال الماتى اۋدانىندا ءبىر ورىن بەلگىلەنگەن:
- «ەت-حان» ەت تسەحى.
قالا اكىمدىگى مالدى ارنايى ورىنداردان تىس جەردە سويۋعا قاتاڭ تىيىم سالىناتىنىن ەسكەرتتى. سونداي-اق قۇرباندىق قالدىقتارىن قاراپايىم قوقىس جاشىكتەرىنە تاستاۋعا بولمايدى. ماماندار ەتتى تەك سەرتيفيكاتتالعان ساتۋشىلاردان ساتىپ الۋعا جانە سانيتارلىق تالاپتاردى ساقتاۋعا كەڭەس بەرەدى.
قۇربان ايت – مۇسىلمانداردىڭ قاسيەتتى مەرەكەلەرىنىڭ ءبىرى. ول قاجىلىق ماۋسىمىنىڭ اياقتالۋىن بىلدىرەدى جانە ءۇش كۇن بويى اتالىپ وتەدى. ءدىني تالاپتارعا سايكەس قۇرباندىققا ءبىر جاستان اسقان قوي مەن ەشكى, ەكى جاستان اسقان سيىر جانە بەس جاستان اسقان تۇيە شالۋعا بولادى.
قۇرباندىق ەتى ءداستۇر بويىنشا ءۇش بولىككە بولىنەدى: ءبىر بولىگى وتباسىعا قالادى, ەكىنشىسى تۋىستار مەن كورشىلەرگە بەرىلەدى, ال ءۇشىنشى بولىگى مۇقتاج جاندارعا تاراتىلادى.
