فوتو: aigul_taibekova2207/Instagram
ايەلدىڭ ايتۋىنشا, وقيعا ساباقتان كەيىن بولعان. ونىڭ ۇلىن مەكتەپتەن شىققان كەزدە سەگىز وقۋشى كۇتىپ تۇرعان. سولاردىڭ ءبىرى جاسوسپىرىمگە ارتىنان شابۋىل جاساپ, تۇنشىقتىرىپ, سوققىعا جىققان.
«مەنىڭ بالاما 15-تەن استام سوققى باعىتتالعان. بۇل ۋاقىتتا بالالار جانىندا تۇرىپ, وزگەلەردىڭ اراشا تۇسۋىنە مۇمكىندىك بەرمەي ۇستاپ تۇرعان. بالامنىڭ دامۋىندا ەرەكشەلىك بار. ول قاسىنداعىلاردىڭ نە ءۇشىن بۇلاي جاساعاندارىن دا تولىق تۇسىنە الماعان. ال اينالاسىنداعى بالالار ك ۇلىپ قاراپ, تەلەفونعا ءتۇسىرىپ تۇرعان» دەپ جازدى الەۋمەتتىك جەلى پاراقشاسىندا زارداپ شەگۋشىنىڭ اناسى.
مەكتەپتەگى قىسىم: بالالار اراسىنداعى بۋللينگتىڭ زاردابى قانداي؟
وقيعاعا قاتىستى استانا قالاسىنىڭ پوليتسيا دەپارتامەنتى تۇسىنىكتەمە بەردى. ۆەدومستۆو مالىمەتىنشە, جانجالعا قاتىسقان بارلىق ءجاسوسپىرىم انىقتالىپ, پوليتسيا بولىمشەسىنە جەتكىزىلگەن.
«ولار پروفيلاكتيكالىق ەسەپكە قويىلدى. كامەلەتكە تولماعانداردى تاربيەلەۋ مىندەتىن ورىنداماعانى ءۇشىن ولاردىڭ زاڭدى وكىلدەرى اكىمشىلىك جاۋاپكەرشىلىككە تارتىلدى. سونىمەن قاتار مەكتەپ اكىمشىلىگى مەن زاڭدى وكىلدەردىڭ قاتىسۋىمەن قۇقىقبۇزۋشىلىقتىڭ الدىن الۋ جونىندەگى كەڭەس وتكىزىلدى», دەلىنگەن حابارلامادا.
ەسكە سالا كەتەيىك, بۇعان دەيىن قىزىلوردا قالاسىنداعى «بولاشاق» مەديتسينالىق كوللەدجى جاتاقحاناسىندا بۋللينگتەن ءبىرىنشى كۋرس ستۋدەنتى قازا تاپقان ەدى.
