فوتو: اشىق دەرەككوز
Zakon.kz مالىمەتىنشە, مينيستر استانا حالىقارالىق قارجى ورتالىعى سوتى شىعارعان سوت بۇيرىعى جاۋاپكەردىڭ قاتىسۋىنسىز, بىرجاقتى تارتىپتە قابىلدانعان جانە ول ءالى زاڭدى كۇشىنە ەنبەگەنىن ايتقان.
«بۇل تۇپكىلىكتى شەشىم ەمەس. جاۋاپكەر 14 كۇن ىشىندە ونى جويۋ تۋرالى ءوتىنىش بەرە الادى. وسىدان كەيىن ءىس ەكى تاراپتىڭ قاتىسۋىمەن تولىق قارالادى», دەدى ەرلان سارسەمباەۆ.
ەسكە سالساق, «گازپروم» مەن «نافتوگاز» اراسىنداعى داۋ 2019 جىلعى رەسەيلىك گاز ترانزيتىنە قاتىستى كەلىسىمشارت مىندەتتەمەلەرىنە بايلانىستى تۋىنداعان. 2025 جىلى شۆەيتساريا اربيتراجى وسى ءىس بويىنشا شەشىم شىعارعان.
مينيستر قازاقستاننىڭ 1958 جىلعى نيۋ-يورك كونۆەنتسياسىنا قاتىسۋشى ەكەنىن دە ەسكە سالىپ, قازاقستان وزىمەن قۇقىقتىق بايلانىسى جوق شەشىمدەردى ورىنداۋ ءۇشىن «ترانزيتتىك الاڭعا» اينالمايتىندىعىن جەتكىزدى. ونىڭ سوزىنشە, شەتەلدىك اربيتراج شەشىمدەرىن ورىنداۋ ءار مەملەكەتتىڭ ىشكى پروتسەسسۋالدىق زاڭناماسىنا ساي جۇزەگە اسادى.
ەسكە سالا كەتەيىك, بۇعان دەيىن مەملەكەت باسشىسى «استانا» حالىقارالىق قارجى ورتالىعىنىڭ باسقارۋشىسى رەنات بەكتۇروۆتى قابىلداعان ەدى.
