فوتو: اشىق دەرەككوز
«كامەلەتكە تولماعانداردىڭ ماتەريالدىق سىياقى الۋ ماقساتىندا الەۋمەتتىك جەلىلەر مەن مەسسەندجەرلەر ارقىلى ءۇشىنشى تۇلعالاردىڭ وتىنىشىمەن sim-كارتالاردى ىسكە قوسىپ, ولاردى الەۋمەتتىك جەلىلەر مەن مەسسەندجەرلەرگە تىركەپ, كەيىن باسقا ادامدارعا بەرۋ جاعدايلارى تىركەلىپ جاتىر», دەدى ءىىم كيبەرقىلمىسقا قارسى ءىس-قيمىل دەپارتامەنتىنىڭ باسقارما باستىعى بەيبىت ءبىرجانوۆ.
الاياقتاردىڭ جاڭا ايلاسى: Apple-دەن كەلگەن حات ءسىزدى تاقىرعا وتىرعىزۋى مۇمكىن
ونىڭ ايتۋىنشا, قاسكويلەر بۇل اككاۋنتتاردى ازاماتتارعا الاياقتىق قوڭىراۋلار جاساۋ ءۇشىن پايدالانادى.
«الەۋمەتتىك جەلىلەر مەن مەسسەندجەرلەردەگى اككاۋنتتاردى تىركەۋ جانە ولاردى بوگدە ادامدارعا بەرۋ الاياقتىق پەن وزگە دە زاڭسىز ارەكەتتەردى جاساۋ قۇرالىنا اينالۋى مۇمكىن. قازاقستان رەسپۋبليكاسىنىڭ زاڭناماسىنا سايكەس مۇنداي ارەكەتتەر قىلمىس جاساۋعا جاردەمدەسۋ رەتىندە قارالادى», دەدى بەيبىت ءبىرجانوۆ.
ىشكى ىستەر مينيسترلىگى ازاماتتاردى:
- شىعۋ تەگى كۇماندى sim-كارتالار مەن قۇرىلعىلاردى ساتىپ الماۋعا جانە تاراتپاۋعا;
- ءوز اككاۋنتتارىن ءۇشىنشى تۇلعالاردىڭ پايدالانۋىنا بەرمەۋگە;
- كامەلەتكە تولماعاندارعا مۇنداي ارەكەتتەردىڭ جاۋاپكەرشىلىگى مەن سالدارىن تۇسىندىرۋگە;
- ابونەنتتىك نومىرلەردى مەسسەندجەرلەردە تىركەپ, كەيىن ولاردى بوگدە ادامدارعا بەرمەۋگە;
- كۇدىكتى ارەكەتتەر بايقالسا, قۇقىق قورعاۋ ورگاندارىنا حابارلاۋعا شاقىرادى.
قوراپقا قولىڭىزدى تيگىزبەڭىز: استانادا الاياقتاردىڭ جاڭا ءادىسى جۇرتتى دۇرلىكتىردى
پوليتسيا تسيفرلىق كەڭىستىكتىڭ بارلىق قاتىسۋشىلارىنا قىراعى بولۋدى ۇسىنادى.
بۇعان دەيىن تالعار قالاسىندا الاياقتار «دجەكي چاننىڭ بەينەسىن» پايدالانىپ, زەينەتكەردى الداۋعا ارەكەت جاساعانىن جازعان ەدىك.
