قارجى مينيسترلىگى كاسسالىق اپپاراتتاردى قولدانۋ تارتىبىنە وزگەرىستەر ەنگىزۋ جوباسىن ازىرلەدى. جاڭا تالاپقا سايكەس, ەمدەلۋ قىزمەتتەرى مەن ءدارى-دارمەككە تولەم جاساعان كەزدە چەككە پاتسيەنتتىڭ جەكە سايكەستەندىرۋ ءنومىرى (جسن) ەنگىزىلەدى.
بۇل وزگەرىستىڭ نەگىزگى ماقساتى – ەسەپ ايىرىسۋ جۇيەسىنىڭ اشىقتىعىن ارتتىرۋ جانە مىندەتتى الەۋمەتتىك مەديتسينالىق ساقتاندىرۋ قورى قاراجاتىنىڭ ماقساتتى ءارى ءتيىمدى جۇمسالۋىن باقىلاۋدى كۇشەيتۋ.
جوبا قابىلدانعان جاعدايدا, مەديتسينالىق قىزمەتتەر مەن ءدارى-دارمەك سالاسىنداعى قارجىلىق ەسەپتىلىك جۇيەسى قاتاڭ باقىلاۋعا الىنىپ, شىعىنداردىڭ اشىقتىعى ارتادى دەپ كۇتىلۋدە.
