فوتو: اشىق دەرەككوز
وقۋ-اعارتۋ مينيسترلىگىنىڭ مالىمەتىنشە, بيىل 31 مىڭنان استام وقۋشى – 9-سىنىپتى ۇزدىك اياقتايتىندار قاتارىندا. ال 11-سىنىپتى ۇزدىك اياقتاۋعا – 18 مىڭ وقۋشى ۇمىتكەر. بۇگىندە ەلىمىزدىڭ ءبىلىم بەرۋ ۇيىمدارىندا 420 مىڭنان استام پەداگوگ ەڭبەك ەتىپ كەلەدى.
ال پرەزيدەنت تاپسىرماسىمەن قولدانىسقا بەرىلگەن «كەلەشەك مەكتەپتەرىندە» 220 مىڭنان استام وقۋشى ءبىلىم الىپ, 16 مىڭعا جۋىق پەداگوگ جۇمىس ىستەيدى. ۇلتتىق جوباسى اياسىندا بيىل 217 زاماناۋي مەكتەپ پايدالانۋعا بەرىلگەن. ونىڭ 84-ءى اۋىلدىق ەلدى مەكەندەردە ورنالاسقان.
استانا مەكتەپتەرىندەگى ورىن تاپشىلىعى ماسەلەسى قالاي شەشىلمەك؟
بيىل مەكتەپ ءبىتىرۋ سالتاناتتارىن وتكىزۋ تارتىبىنە قاتىستى تالاپتار كۇشەيتىلدى. وقۋ-اعارتۋ مينيسترلىگى مەن جەرگىلىكتى اتقارۋشى ورگانداردىڭ بىرلەسكەن شەشىمىنە سايكەس, تۇلەكتەرگە ارنالعان كەشتەردى مەيرامحانا, ءدامحانا, بانكەت زالى, دەمالىس ورنى نەمەسە تابيعات اياسىندا ۇيىمداستىرۋعا تىيىم سالىندى.
مينيسترلىكتىڭ مالىمەتىنشە, اتتەستات پەن ديپلوم تابىستاۋ راسىمدەرى تەك ءبىلىم بەرۋ ۇيىمدارىنىڭ قابىرعاسىندا وتكىزىلۋى ءتيىس. سونداي-اق اتا-انالاردان اقشا جيناۋعا, مۇعالىمدەرگە سىيلىق جاساۋعا نەمەسە وزگە دە ماتەريالدىق شىعىنداردى تالاپ ەتۋگە جول بەرىلمەيدى. ونىڭ ورىنىنا 25 مامىر كۇنى ەلىمىزدىڭ بارلىق مەكتەپتەرىندە ء«بىلىمىم – وتانىما!» تاقىرىبىندا بىرىڭعاي سىنىپ ساعاتى وتكىزىلەدى.
«داڭعويلىق جارمەڭكەسىنە اينالدى»: دەپۋتات مەكتەپ ءبىتىرۋ كەشتەرىنە قىرۋار قارجى جيناۋ تۋرالى
سونىمەن قاتار ءبىتىرۋشى تۇلەكتەرگە ارنالعان ەمتيحان مەرزىمدەرى بەلگىلى بولدى. 9-سىنىپ وقۋشىلارى ءۇشىن قورىتىندى ەمتيحاندار 29 مامىر – 11 ماۋسىم ارالىعىندا وتەدى. ولار مىندەتتى پاندەر بويىنشا ءتورت جازباشا ەمتيحان تاپسىرادى.
ال 11-سىنىپ تۇلەكتەرىنە ارنالعان مەملەكەتتىك ەمتيحاندار 2 ماۋسىم – 15 ماۋسىم ارالىعىندا وتەدى. وقۋشىلار بەس ەمتيحان تاپسىرادى, ونىڭ ءبىرى اۋىزشا فورماتتا وتكىزىلەدى. نەگىزگى جانە جالپى ورتا ءبىلىم تۋرالى اتتەستاتتار 17-18 ماۋسىم ارالىعىندا تاپسىرىلادى.
