فوتو: اشىق دەرەككوز
جاڭا تارتىپكە سايكەس, بۇرىن پايدالانىلعان نومىرلەردى مەملەكەتتىك ورگاندارعا, شەتەلدىك ديپلوماتيالىق وكىلدىكتەر مەن كونسۋلدىق مەكەمەلەرگە, سونداي-اق ولاردىڭ قىزمەتكەرلەرى مەن وتباسى مۇشەلەرىنە قايتا بەرۋ قاراستىرىلعان.
سونىمەن قاتار مەملەكەتتىك نومىرلەردى اتا-اناسىنا, بالالارىنا, اسىراپ الۋشىلار مەن اسىراپ الىنعاندارعا, تۋعان جانە وگەي باۋىرلارعا, اتا-اجەلەرىنە, نەمەرەلەرىنە, جۇبايىنا نەمەسە بۇرىنعى جۇبايىنا راسىمدەۋگە بولادى. بۇل قۇقىق بۇرىنعى يەسىنىڭ مۇراگەرلەرىنە دە بەرىلدى.
اۆتوكولىكتەگى مىندەتتى جيىنتىق: جۇرگىزۋشىلەر نەنى ءبىلۋى ءتيىس؟
ءنومىردى قايتا راسىمدەۋ ءۇشىن بۇرىنعى يەسىنىڭ ءوتىنىشى جانە تۋىستىقتى نەمەسە مۇراگەرلىك قۇقىقتى راستايتىن قۇجاتتار قاجەت. ولاردىڭ قاتارىندا نەكە كۋالىگى, تۋ تۋرالى كۋالىك جانە مۇراگەرلىك قۇقىعىن راستايتىن قۇجاتتار بار. سونداي-اق ءنومىردىڭ تەلنۇسقاسىن دايىنداۋعا ارنالعان مەملەكەتتىك باج سالىعى تولەنۋگە ءتيىس.
بۇعان دەيىن مۇنداي مۇمكىندىك تەك جوعارى سۇرانىسقا يە VIP-نومىرلەرگە عانا بەرىلەتىن.
سونىمەن قاتار ءىىم جوعارى سۇرانىسقا يە مەملەكەتتىك نومىرلەر ءتىزىمىن كەڭەيتتى. ەندى 101, 121, 131, 202, 303, 404, 505, 717, 808, 909 سەكىلدى ەرەكشە تسيفرلىق كومبيناتسيالار, سونداي-اق بىردەي ارىپتەرمەن كەلەتىن ۇقساس نومىرلەر رەسمي تۇردە سۇرانىسى جوعارى ساناتقا ەنگىزىلدى.
ەسكە سالايىق, بۇعان دەيىن قىستا اۆتوكولىكتى قىزدىرۋعا قاتىستى شەكتەۋلەر قايتا قارالاتىنى تۋرالى حابارلانعان ەدى.
