استانا قالاسىندا اۋا رايى قۇبىلمالى بولادى: جاڭبىر, كەي جەرلەردە قار ارالاس جاڭبىر جاۋادى. جەل 9–14 م/س, ەكپىنى 15–20 م/س-قا دەيىن جەتەدى. تەمپەراتۋرا كۇندىز +7…+9°C شاماسىندا.
الماتى قالاسىندا جاڭبىر مەن نايزاعاي كۇتىلەدى, جەل 3–8 م/س, ەكپىنى 13–18 م/س. تەمپەراتۋرا كۇندىز +22…+24°C.
شىمكەنت قالاسىندا دا جاڭبىرلى اۋا رايى ساقتالىپ, جەل كۇشەيەدى (8–13 م/س, ەكپىنى 15–20 م/س), اۋا تەمپەراتۋراسى +19…+21°C بولادى.
اقتاۋ مەن اتىراۋ قالالارىندا دا قاتتى جەل بايقالادى, كەي جەرلەردە جاۋىن-شاشىن مەن نايزاعاي كۇتىلەدى.
سولتۇستىك جانە ورتالىق وڭىرلەردە (كوكشەتاۋ, پەتروپاۆل, قوستاناي, پاۆلودار) جەل كۇشەيىپ, كەي جەرلەردە تەمپەراتۋرا تومەندەپ, تۇندە نولدەن تومەن كورسەتكىشتەر تىركەلۋى مۇمكىن.
وڭتۇستىك جانە باتىس وڭىرلەردە (تاراز, تۇركىستان, ورال) جاڭبىر مەن نايزاعاي, كەي جەرلەردە ەكپىندى جەل كۇتىلەدى.
ماماندار تۇرعىندارعا اۋا رايىنىڭ كۇرت وزگەرىسىنە بايلانىستى قاۋىپسىزدىك شارالارىن ساقتاۋدى جانە داۋىلدى ەسكەرتۋلەردى ەسكەرۋدى ۇسىنادى.
