فوتو: Reuters
كەلىسسوزدەر اقش مەملەكەتتىك دەپارتامەنتى عيماراتىندا ۇيىمداستىرىلدى. وندا ليۆاننىڭ اقش-تاعى ەلشىسى نادا حامادە جانە ءيزرايلدىڭ اقش-تاعى ەلشىسى يەحيەل لەيتەر ءوز ەلدەرىن تانىستىردى. اقش تاراپىنان بىرقاتار جوعارى لاۋازىمدى وكىلدەر, سونىڭ ىشىندە مەملەكەتتىك حاتشى ماركو رۋبيو قاتىستى.
ءيزرايلدىڭ ليۆانعا جاسالعان شابۋىلىنان 45 ادام زارداپ شەكتى
كەزدەسۋ باستالار الدىندا تاراپتار قىسقاشا فوتوعا ءتۇسىپ, كەيىن جابىق ەسىك جاعدايىندا كەلىسسوزدەردى جالعاستىردى.
ماركو رۋبيو بۇل كەزدەسۋدى ۇزاق مەرزىمدى پروتسەستىڭ باستاۋى رەتىندە باعالاپ, بارلىق ماسەلەلەر بىردەن شەشىلمەيتىنىن, بىراق العا جىلجۋعا مۇمكىندىك بار ەكەنىن ايتتى. يزرايل وكىلى يەحيەل لەيتەر بولسا, كەزدەسۋدەن تەك وڭ ناتيجە كۇتەتىنىن جەتكىزدى.
سوعان قاراماستان, يزرايل ليۆاننىڭ وڭتۇستىگىندە اسكەري وپەراتسيالارىن جالعاستىرىپ جاتىر. بۇل قادام «حەزبوللاعا» قارسى باعىتتالعانى ايتىلعان. بۇعان دەيىن شەكارا ماڭىنداعى قاقتىعىستار سالدارىنان جۇزدەگەن ادام قازا تاۋىپ, مىڭداعان ادام جارالانعانى حابارلانعان.
يزرايل يراننىڭ ەنەرگەتيكالىق نىسانىنا سوققى جاسادى
قازىرگى كەلىسسوزدەر اقش اراعايىندىعىمەن ايماقتاعى شيەلەنىستى ازايتۋعا باعىتتالعان العاشقى ماڭىزدى قادامداردىڭ ءبىرى بولىپ سانالادى.
