ماراپاتتاۋ راسىمىندە ايدا بالاەۆا ونەر سالاسىنىڭ ۇستازدارى مادەني قۇندىلىقتاردى ساقتاپ, كەڭىنەن ناسيحاتتاۋدا, سونداي-اق وسكەلەڭ ۇرپاقتىڭ شىعارماشىلىق الەۋەتىن قالىپتاستىرۋدا ايرىقشا ءرول اتقاراتىنىن اتاپ ءوتتى.
ۇلتتىق قۇندىلىقتاردى دارىپتەۋگە جانە كۇي ونەرىن كەڭىنەن ناسيحاتتاۋعا باعىتتالعان «كۇي كۇمبىرى» رەسپۋبليكالىق اكتسياسىن ۇيىمداستىرۋ مەن وتكىزۋگە قوسقان ۇلەسى ءۇشىن پرەزيدەنت جارلىعىمەن تومەندەگى پەداگوگتەر ماراپاتتالدى:
– «قۇرمەت» وردەنىمەن – ى.التىنسارين اتىنداعى №65 مەكتەپ-گيمنازياسىنىڭ مۋزىكا ءپانى مۇعالىمى گۇلفايرۋز ەلجانوۆا;
– «ەرەن ەڭبەگى ءۇشىن» مەدالىمەن – №46 مەكتەپ-ليتسەيدىڭ مۋزىكا ءپانى مۇعالىمى ەركەجان نامازوۆا;
– «العىس» گراموتاسىمەن – №58 جالپى ورتا ءبىلىم بەرەتىن مەكتەپتىڭ مۋزىكا ءپانى مۇعالىمى گۇلزيرا دارجانوۆا.
