كەڭەسكە قالا اكىمى عابيت سىزدىقبەكوۆ, مادەنيەت جانە اقپارات مينيسترلىگىنىڭ وكىلدەرى, جەرگىلىكتى اتقارۋشى ورگاندار, مەردىگەر ۇيىمدار جانە م. اۋەزوۆ اتىنداعى وڭتۇستىك قازاقستان زەرتتەۋ ۋنيۆەرسيتەتى باسشىلىعى قاتىستى.
جيىن بارىسىندا جاۋاپتى تاراپتار جوبانى ىسكە اسىرۋ بارىسى تۋرالى ەسەپ بەردى.
مەرەكەدە جۇمىس ىستەيتىن مادەنيەت قىزمەتكەرلەرىنە قوسىمشا اقى تولەۋ تالاپ ەتىلدى
جوسپار بويىنشا جاڭا جوعارى وقۋ ورنى قازىرگى م. اۋەزوۆ اتىنداعى وڭتۇستىك قازاقستان زەرتتەۋ ۋنيۆەرسيتەتىنىڭ مادەنيەت جانە ونەر فاكۋلتەتى نەگىزىندە قۇرىلماق. وقۋ ورنىندا 6 فاكۋلتەت, 17 كافەدرا جانە باكالاۆريات, ماگيستراتۋرا مەن دوكتورانتۋرا بويىنشا 46 ءبىلىم بەرۋ باعدارلاماسى ىسكە قوسىلادى.
نەگىزگى باعىتتار رەتىندە كينو جانە تەلەديدار, انيماتسيا, مەديا-مەنەدجمەنت, تسيفرلىق ديزاين, ستسەنوگرافيا سياقتى سالالارعا باسىمدىق بەرىلەدى. سونىمەن قاتار قازاقستاندا العاش رەت تسيرك ونەرى بويىنشا جوعارى ءبىلىم بەرۋ جۇيەسى ەنگىزىلمەك, سونداي-اق رەستاۆراتور ماماندارىن دايارلاۋ دا جوسپارلانعان.
كەڭەستە شىمكەنتتە جاڭا وپەرا جانە بالەت تەاترىن سالۋ ماسەلەسى دە قارالدى. قالا اكىمدىگى 2,8 گەكتار اۋماقتا ورنالاساتىن جەر تەلىمىن بەكىتكەن. جاڭا تەاتر 1500 ورىنعا ارنالعان كورەرمەن زالىمەن سالىنادى.
قازىرگى ۋاقىتتا قالادا 1984 جىلى سالىنعان, 330 ورىندىق ەسكى وپەرا جانە بالەت تەاترى جۇمىس ىستەپ تۇر.
