ءسىبىر جاراسىنىڭ سالدارى

وبلىس اكىمىنىڭ ورىنباسارى جاسۇلان بي­سەم­بيەۆتىڭ ا­يتۋىن­شا, ءسىبىر جاراسى انىقتالعاننان بەرى وب­لىس­تىق سانيتارلىق-ەپي­دەميولوگيالىق باقىلاۋ دەپارتامەنتىنىڭ ماماندارى شاھارداعى بازارلار مەن ءتۇرلى ساۋدا نۇكتەسىنەن, ونىڭ ىشىندە ەت ونىمدەرى ساقتالاتىن, ساتىلاتىن ورىنداردان, مالدى سويۋ, تاسىمالداۋ كەزىندە قولدانىلاتىن قۇرال-جابدىقتاردان, ارناۋلى جۇمىس كيىمدەرىنەن, سويىلعان مالدىڭ اشاسىنان 700-دەن استام سىناما الدى. سىنامالار بەس مال بازارىنداعى قاساپحانالاردان, توپىراق قۇرامىنان, جەمنەن, باسقا دا بيوماتەريالداردان الى­نىپ, 66 نىساندا زەرتتەۋ جۇمىستارى جۇرگىزىلدى.

«اتىراۋ قالاسىنا كىرەر تۇستا ۆەتەرينارلىق باقىلاۋ جۇرگىزەتىن 4 قاداعالاۋ بەكەتى قويىلدى. بەكەتتەردە پوليتسيا مەن ۆەتەرينار مامان­دار تەكسەرۋ جۇرگىزەدى. ما­مان­دار مالدىڭ جۇقپالى اۋرۋعا قارسى ەگىلگەنى تۋرالى قۇجات­تى تەكسەرىپ, دەنە قىزۋىن با­قى­لايدى. ماسەلەن, 20–25 قاراشا ارالىعىندا سويۋعا مال اكەلە جاتقان 30 كولىكتىڭ قالاعا كىرۋىنە تىيىم سالىندى. ويتكەنى بۇل كولىكتەردەگى 838 ۇساق مالدىڭ, 192 ءىرى قا­را مەن 16 جىلقىنىڭ ءتيىستى قۇ­­جات­تا­رى تولىق بولماي شىقتى. كەي­بىر مالدىڭ قۇلا­عىن­داعى سىر­­­عاسىنىڭ ءنومىرى وشە باس­تاعان, كەيبىرىنىڭ قۇجاتى قاتە تول­تى­­رىل­عان», دەپ مالىمدەدى ج.بي­سەمبيەۆ.

اكىم ورىنباسارىنىڭ دەرە­گىنە سۇيەنسەك, ولگەن سيىر­دىڭ ەكەۋى باتىس قازاقستان وبلىسى­نان, ال بىرەۋى اتىراۋ وبلى­سىنداعى قۇرمانعازى اۋدانىنان اكەلىنگەن. ماماندار ەكى سيىردىڭ ولىمتىگىنەن 2 رەت سىناما الىپ, زەرتحانالىق تالداۋ جۇرگىزدى. تالداۋ قورىتىندىسىندا ءسىبىر جاراسى انىقتالدى. ءۇشىنشى سيىر اۋرۋدى مال سويۋ بەكەتىنەن جۇق­تىرعان بولۋى مۇمكىن ەكەنى ايتىلىپ وتىر.

«جالپى, اتىراۋ قالاسىنا ءىرى قارانىڭ 80 پايىزى باتىس قازاقستان وبلىسىنان تا­سى­مالدانادى. وبلىستىڭ اۋداندارىنان سويۋعا مال اكەلەتىن كا­سىپكەرلەر بار. كارانتين تالابىنا سايكەس سويۋعا اكەلىنەتىن مالدىڭ قۇجاتى بولۋى قاجەت. بىراق مۇنى ەسكەرمەيتىن كاسىپكەرلەر بار. كەيىنگى 5 كۇندە ساتۋعا, سويۋعا مال اكەلگەن 19 كا­سىپكەرگە ايىپپۇل سالىندى. سەبەپ – مالدىڭ قۇجاتى تولىق ەمەس نەمەسە دۇرىس ەمەس. ال «اسىل-اگرو» شارۋا قوجا­لى­عىنىڭ مال سويۋ بەكەتى تولىق دەزينفەكتسيالاندى. ونى جۇرگىزۋگە 10 مامان تارتىلدى. اۋرۋ بەلگىسى تابىل­عان اۋماقتا تۇرعان بار­لىق مالعا قايتادان ۆاكتسينا سالىن­دى. مالدىڭ كەيبىرى اۋرۋ وشا­عىنان تازا اۋماققا كوشىرىلدى», دەدى اكىمنىڭ ورىنباسارى.

ۆەتەرينارلىق قىزمەت ەكى باعىتتا جۇرگىزىلەدى. ءبىرىنشىسى – ءتورت ت ۇلىككە ۆاكتسينالاۋ جۇر­گىزەتىن ۆەتەرينارلىق ستانسا. بۇل قۇرىلىم جەرگىلىكتى بيۋدجەت ار­قىلى قارجىلاندىرىلادى. قازىر اتىراۋ قالاسى مەن 7 اۋدان­­دا ۆەتەرينارلىق ستانسالار بار. بۇل ستانسالاردا 70-گە جۋىق مامان جۇمىس ىستەي­دى. بىلتىر جەرگىلىكتى بيۋدجەت ەسەبىنەن ۆەتەرينارلىق ستان­سالارعا 42 جاڭا اۆتوكولىك ساتىپ الىنعان. ماسەلەن, رەسەي فەدەراتسياسىنىڭ استراحان وبلىسىمەن شەكتەسەتىن ءارى اۋىلدىق وكرۋگى كوپ قۇرمانعازى اۋدانىنا 12 كولىك ءبولىنىپتى. ال قى­زىلقوعاعا – 6, يندەر, ما­حامبەت اۋدانىنىڭ ارقايسىسىنا – 5, اتىراۋ قالاسىنا, يساتاي مەن جىلىوي اۋدانىنا – 4, ما­قات اۋدانىنا 2 كولىكتەن بەرىلگەن.

ال ەكىنشىسى – ۆەتەرينارلىق باقىلاۋ مەن قاداعالاۋ جۇر­گى­زەتىن وبلىستىق اۋماقتىق ينس­پەكتسيا. ءسىبىر جاراسى تىركەلگەن سوڭ, استانا مەن باتىس قازاقستان وبلىسىنان قوسىمشا ماماندار شاقىرتىلعان.

«بيىل وبلىستىڭ شارۋاشى­لىق قۇرىلىمدارى مەن جەكە يەلىكتەگى ءتورت ت ۇلىكتى قاۋىپتى اۋرۋ­لارعا قارسى ۆاكتسينالاۋعا 3 ملن دوزا ءدارى ءبولىندى. ۆاكتسي­نالاۋدى جەرگىلىكتى ۆەتەرينا­رلىق ستانسا ماماندارى جۇر­گىزىپ كەلەدى. وسى كەزگە دەيىن مالعا 2 ملن 800 مىڭ دوزا ءدارى ەگىلدى», دەيدى جاسۇلان بيسەم­بيەۆ.

ءسىبىر جاراسىنىڭ سالدارى قانداي؟ اتىراۋ وبلىستىق دەنساۋلىق ساقتاۋ باسقارماسى باس­شىسىنىڭ ورىنباسارى ال­ماگۇل ءابىلوۆانىڭ ايتۋىنشا, 22 قاراشادا قاساپحانا جۇ­مىس­شىسى №2 وبلىستىق اۋرۋحاناعا جەتكىزىلگەن. ويتكەنى ودان ءسىبىر جاراسىنىڭ باستاپقى بەلگىلەرى بايقالعان.

«ناۋقاستىڭ قولىنداعى جا­را­­قاتتان پتسر سىناماسى الىن­دى. زەرتحانالىق تالداۋ وڭ ناتي­جە بەردى. ناۋقاسقا ءسىبىر جا­را­سىنىڭ تەرىلىك دياگنوزى قويىل­دى», دەپ حابارلادى ا.ءابىلوۆا.

ولگەن مالمەن بايلانىس­تا بولعان 16 ادام مەديتسينا قىز­مەت­كەرلەرىنىڭ باقىلاۋىنا الىندى. ولاردان ءسىبىر جاراسىن جۇقتىرۋ بەلگىلەرى بايقالماعان.

ء«سىبىر جاراسىنىڭ بىرنەشە فورماسى بار. بۇل اۋرۋ مالدان ادامعا قول مەن اياقتىڭ اشىق جەرى ارقىلى جۇعادى. ونىڭ بەلگىلەرى 14 كۇن ىشىندە نەمەسە 5-6 كۇندە انىقتالادى. اتال­عان اۋرۋ­دى جۇق­تىرۋ بەلگىسى راس­تالعان ناۋ­قاسقا ءسىبىر جارا­سىنىڭ تەرىلىك فورماسى دەگەن دياگنوز قويىلدى. بۇل – جە­ڭىل وتەتىن فورما ءتۇرى. قازىر ناۋ­قاستىڭ دەنە قىزۋى قالىپ­تى, دەنساۋلىق جاعدايى قانا­عاتتانارلىق. مەديتسينالىق حات­تاماعا سايكەس انتيبيوتيك تەراپيامەن ەمدەلىپ جاتىر», دەدى ا.ءابىلوۆا.

اتىراۋ وبلىسى