فوتو: Sputnik
حابار ارناسىنىڭ اقپاراتىنشا, المالى شاھاردىڭ اكىمدىگى قۇرىلىس ساپاسىن باقىلاۋ ءۇشىن جاڭا ەرەجەلەردى ەنگىزىپ, ءۇش مەكتەپتە بىر مەكتەپ-ليتسەيدە جانە جەتى بالاباقشادا سەيسميكالىق كۇشەيتۋ جۇمىستارىن اياقتاماق.
جىلجىمايتىن م ۇلىك اگەنتتىگىنىڭ اعا مەنەدجەرى دەنيس ۆاينشتوك الماتىدا پاتەر باعاسىنىڭ تومەندەۋىنە ەكونوميكالىق ءارى تابيعي فاكتورلار اسەر ەتكەنىن ايتتى.
«مىسالى, جىل باسىندا 65 شارشى مەترلىك 3 بولمەلى پاتەردىڭ قۇنى 70 ميلليون تەڭگە بولاتىن. قازىر 55-53 ملن تەڭگە توڭىرەگىندە. ياعني باعاسى اي سايىن 2-3 ميلليونعا تومەندەدى. ءبىر بولمەلى پاتەرلەر دە بار. 40 ميلليون تەڭگەنىڭ پاتەرىن قازىر 29-30 ميلليونعا الۋعا بولادى. قازىر پاتەر قۇنى بىرتىندەپ زەينەتاقى قورىنان اقشا العانعا دەيىنگى كەزەڭدەگى باعاعا تومەندەپ كەلەدى. جاس كليەنتتەر سەيسميكالىق جاعىنان ءتوزىمدى ۇيلەر قايسى دەپ سۇرايدى. ۇلكەندەرى وزدەرى دە بىلەدى. جاستار 3-ءشى قاباتتان جوعارى العىسى كەلمەيدى. دەگەنمەن اناۋ-مىناۋ بولا قالسا وعان قارامايدى. بىراق ادامدار وسىلاي توپشىلايدى. وسىلايشا جوعارعى قاباتتاعى پاتەرلەر ازداپ ارزاندادى», دەيدى جىلجىمايتىن م ۇلىك اگەنتتىگىنىڭ اعا مەنەدجەرى دەنيس ۆاينشتوك.
الماتىداعى عيماراتتارعا سەيسميكالىق اۋديت جۇرگىزىلىپ جاتىر. پاسپورتتاۋدىڭ ءبىرىنشى كەزەڭى 2017-2018 جىلدارى وتسە, ەكىنشىسى بىلتىر قازاندا باستالعان. ماڭىزدى تەكسەرۋدى قازاق قۇرىلىس جانە ساۋلەت عىلىمي-زەرتتەۋ جانە جوبالاۋ ينستيتۋتى جۇرگىزۋدە. تەكسەرۋ قورىتىندىسىنا ساي جاڭا ەرەجە بەكىتىلسە, ساۋلەت-قۇرىلىس باقىلاۋ ورگاندارىنىڭ قاداعالاۋ قۇزىرەتى كۇشەيەدى.
«سەبەبى جوبالاۋ ءبىر بولەك, قۇرىلىستى سول جوباعا ساي ساپالى جۇرگىزۋ ءبىر باسقا. اسىرەسە تاۋ بوكتەرىندە ماڭىزدى. قۇرىلىس اۋماعىن ۇلكەيتۋ ءۇشىن كومپانيالاردىڭ جوتانى كەسىپ نەمەسە سايلارعا توپىراق توگەتىنى جاسىرىن ەمەس. نىساننىڭ جوبالاۋعا دەيىنگى قۇجاتتارىن باقىلاۋ كۇشەيدى. ەگەر عيماراتتا تىرەۋ قابىرعالارى جوسپارلانسا, ونى مەملەكەتتىك ساراپتامادان وتكىزۋگە مىندەتتى. ويتكەنى بۇل وتە ماڭىزدى», دەيدى قالالىق جوسپارلاۋ جانە ۋربانيستيكا باسقارماسىنىڭ ءبولىم باسشىسى نۇرلان بورانباەۆ.
ال قازىر الماتىداعى تۇرعىن ءۇي نارىعىندا تۇراقتىلىق بايقالىپ وتىر.
