فوتو: اشىق دەرەككوز
تۋريزم جانە سپورت مينيسترلىگىنىڭ مالىمەتىنشە, 2024 جىلدىڭ العاشقى 10 ايىندا تۋريزم سالاسىنداعى نەگىزگى كاپيتالعا سالىنعان ينۆەستيتسيا كولەمى 668,1 ملرد تەڭگەگە جەتكەن. بۇل وتكەن جىلدىڭ سايكەس كەزەڭىمەن سالىستىرعاندا 33,6%-عا كوپ.
ەستەرىڭىزگە سالا كەتەيىك, 2023 جىلى بۇل كورسەتكىش 787 ملرد تەڭگە بولسا, 2022 جىلى 513 ملرد تەڭگەگە جەتكەن ەدى. بۇل دەرەكتەر ينۆەستورلاردىڭ ەلىمىزدىڭ تۋريستىك الەۋەتىنە قىزىعۋشىلىعى ارتىپ كەلە جاتقانىن كورسەتەدى.
«تۋريزم سالاسىنا سالىنعان ينۆەستيتسيانىڭ ارتۋى بيزنەستىڭ بۇل باعىتتى دامىتۋعا دەگەن تۇراقتى قىزىعۋشىلىعىن بىلدىرەدى. نەگىزگى تۋريستىك وڭىرلەردە زاماناۋي ينفراقۇرىلىم قۇرۋ ارقىلى قازاقستاننىڭ حالىقارالىق تۋريستىك كارتاداعى ورنىن نىعايتا الامىز», دەدى تۋريزم يندۋسترياسى كوميتەتىنىڭ توراعاسى نۇرتاس كارىپباەۆ.
