فوتو: اشىق دەرەككوز
پوليتسيا قىزمەتكەرلەرىنىڭ جەدەل-ىزدەستىرۋ ءىس-شارالارى بارىسىندا 15 قىلمىستىق توپتىڭ قىزمەتى توقتاتىلدى.
مال ۇرلىعىنىڭ 50 فاكتىسىنە قاتىسى بار 35 ادام قىلمىستىق جاۋاپكەرشىلىككە تارتىلدى. ۇرلانعان مالدىڭ 567 باسى زاڭدى يەلەرىنە قايتارىلدى, ونىڭ ىشىندە 78-ءى جىلقى, 107-ءسى ءىرى قارا مال بولسا, 380-نەن استامى ۇساق مال.
سونداي-اق پوليتسيا ۆەتەريناريالىق قىزمەتپەن بىرلەسىپ ۇرلانعان مال مەن ەت ونىمدەرىن تاسىمالداۋدىڭ ىقتيمال ايماقتارىنا بلوك-بەكەتتەر ورناتتى.
جايىلىمدار مەن ساۋدا نۇكتەلەرى, بازارلار, مال سويۋ پۋنكتتەرى, مال مەن ەت ونىمدەرىن تاسىمالدايتىن اۆتوكولىكتەر تەكسەرىلدى. ۆەتەريناريالىق نورمالاردىڭ ساقتالۋىن راستايتىن قۇجاتتارعا باقىلاۋ جۇرگىزىلدى.
وسى باعىتتاعى جۇمىس ناتيجەسىندە اۋىل شارۋاشىلىعى جانۋارلارىن جايۋ ەرەجەلەرىن بۇزۋدىڭ 5781 فاكتىسى انىقتالدى. ۆەتەريناريا سالاسىنداعى زاڭدى بۇزعانى ءۇشىن 930-دان استام ادام جاۋاپقا تارتىلدى. ولارعا قاتىستى 76 ميلليون تەڭگەدەن استام اكىمشىلىك ايىپپۇل سالىندى.
ايتا كەتەيىك, بۇل شارالار مال ۇرلىعىنىڭ الدىن الۋعا جانە وبلىستاعى قۇقىقتىق ءتارتىپتى نىعايتۋعا باعىتتالعان. سونىمەن قاتار حالىق اراسىندا مال ۇرلىعىنىڭ الدىن الۋ بويىنشا اقپاراتتىق پاراقشالار تاراتىلىپ, ءتۇسىندىرۋ جۇمىستارى جۇرگىزىلدى.
پوليتسيا مال ۇرلىعىنا قارسى ءىس-قيمىل جانە ازاماتتاردىڭ سەنىم دەڭگەيىن ارتتىرۋ بويىنشا جۇمىستى بەلسەندى جالعاستىرۋدا, بۇل قىلمىسقا قارسى كۇرەستىڭ ماڭىزدى اسپەكتىسى بولىپ سانالادى.
