فوتو: ulysmedia.kz
باس پروكۋراتۋرانىڭ مالىمەتىنشە, اتالعان قاراجاتتار 2021 جىلى ۇكىمەت رەزەرۆىنەن اتباسار اۋدانىندا سۋ تاسقىنى ايماعىندا تۇراتىن 200 جانۇيانى كوشىرۋ ءۇشىن ەكى 100 پاتەرلى ۇيلەردى سالۋعا بولىنگەن.
«كۇدىكتىلەر ارەكەتتەرى اسا ءىرى كولەمدە جىمقىرۋ – تالان-تاراجعا سالۋ, ياعني قازاقستان رەسپۋبليكاسى قىلمىستىق كودەكسىنىڭ 189 بابى 4 بولىگى بويىنشا سارالاندى.كورسەتىلگەن باپ بويىنشا مۇلكىن تاركىلەۋمەن قوسا 12 جىلعا دەيىن باس بوستاندىعىنان ايىرۋ جازاسى كوزدەلگەن. ەكى كۇدىكتى سوت سانكتسياسىمەن كۇزەتپەن ۇستاۋعا, قىلمىسقا ءۇشىنشى سەرىكتەس ۇيقاماققا الىندى», دەلىنگەن حابارلامادا.
تەرگەۋ بارىسىندا قىلمىستىق جولمەن الىنعان م ۇلىك – الماتى, استانا قالالارىندا كوممەرتسيالىق جىلجىمايتىن م ۇلىك, ارنايى تەحنيكا, قۇرىلىس قۇرىلعىلار جانە بانكتىق شوتتاردا 50 ملن تەڭگەدەن استام اقشالاي قاراجات تابىلعان. تيىم سالىنعان م ۇلىكتىڭ باعالانعان قۇندىلىعى 335 ملن. تەڭگەدەن اسادى.
پروكۋرورلارمەن, اتالعان م ۇلىكتىڭ ءبىر بولىگى جالعا بەرىلىپ, قىلمىستىق پايدا تۇسىرىلگەنى انىقتالعان.
«سول سەبەپتى, ءبىر كۇدىكتىنىڭ ارەكەتى قىلمىستىق جولمەن الىنعان اقشانى جانە وزگە م ۇلىكتى زاڭداستىرۋ (جىلىستاتۋ), ياعني قازاقستان رەسپۋبليكاسى قىلمىستىق كودەكسىنىڭ 218 بابى 3 بولىگى بويىنشا قوسىمشا سارالاندى. بۇل ءۇشىن مۇلكىن تاركىلەۋمەن قوسا 10 جىلعا دەيىن باس بوستاندىعىنان ايىرۋ جازاسى كوزدەلگەن», دەپ حابارلادى باس پروكۋراتۋرانىڭ ءباسپاسوز قىزمەتى.
قازىرگى ۋاقىتتا, قىلمىستىق پروتسەسسكە قاتىسۋشىلارمەن قىلمىستىق ءىس ماتەريالدارىمەن تانىسۋ ءجۇرىپ جاتىر. اتالعان ءىستىڭ سوڭعى نۇكتەسىن سوت قويادى.
