فوتو: olympic.kz
قازاقستان چەمپيوناتىنىڭ قورىتىندىسى بويىنشا 2025/26 جىلعى ماۋسىمعا ارنالعان ۇلتتىق قۇراما جاساقتالادى.
باس باپكەردىڭ ايتۋىنشا, قازاقستان چەمپيوناتىنا قاتىسۋدان بوساتىلعان دزيۋدوشىلار دا نەگىزگى قۇرامعا ەنەدى. ولار – عۇسمان قىرعىزباەۆ, ەلدوس سمەتوۆ, ابىلايحان جۇبانازار جانە نۇرلىحان شارحان. بۇل سپورتشىلار نەگىزگى قۇرامدا بولاتىنى ايدان انىق.
سونىمەن قاتار ۇلتتىق قۇرامانىڭ باس باپكەرى ەلدوس سمەتوۆ پەن عۇسمان قىرعىزباەۆتىڭ جاتتىعۋعا قاشان كىرىسەتىنىن ايتتى.
«ەلدوس سمەتوۆ پەن عۇسمان قىرعىزباەۆ كەلەسى جيىننان باستاپ كومانداعا قوسىلادى. ولار بىرتىندەپ جاتتىعۋعا ورالىپ جاتىر. جاتتىعۋ جيىنى 9 قاڭتاردا استانادا باستالادى», دەدى ن.سۇلەيمەنوۆ,
ەستەرىڭىزگە سالا كەتەيىك, بيىل پاريجدە وتكەن وليمپيادا ويىندارىندا دزيۋدودان 60 كەلىگە دەيىنگى سالماقتا ەلدوس سمەتوۆ وليمپيادا چەمپيونى اتانسا, عۇسمان قىرعىزباەۆ قولا جۇلدەگەر اتاندى.
