اسكەري قىزمەتكە شاقىرۋ تۋرالى اقپاراتتى ەل ازاماتتارى سمارتفونىنان تىكەلەي قاراپ, بولىسە الادى. اتالعان جۇيە دەرەكتەرگە قولجەتىمدىلىكتى ودان ءارى ىڭعايلى ءارى جەڭىل ەتەدى.
قوسىمشانىڭ جاڭارتىلعان نۇسقاسىندا ەكى تسيفرلىق مالىمەت قولجەتىمدى. العاشقىسى, اسكەري قىزمەتكە شاقىرۋ تۋرالى, سونداي-اق شاقىرۋ مەرزىمى تۋرالى تولىق دەرەكتەر. ەكىنشىسى, ازاماتتىڭ اسكەري مىندەتتى مارتەبەسى تۋرالى وزەكتى اقپارات. تۇرعىندار ءوز مالىمەتتەرىن جسن نەمەسە ءموبيلدى ازاماتتار بازاسىنا تىركەلگەن تەلەفون ءنومىرى ارقىلى جىبەرە الادى.
اتالعان قىزمەتتى پايدالانۋ ءۇشىن «eGov Mobile» قوسىمشاسى ارقىلى «مالىمەتتەر» بولىمىنە ءوتۋ قاجەت. سودان سوڭ «تاريح» بولىمىندە اقپاراتتارمەن تانىسىپ, دەرەكتەردى بەرۋگە رۇقسات بەرۋ نەمەسە سۇراۋ سالۋدى قابىلداماۋ باتىرماسىن باسۋ كەرەك.
بۇل جۇيەنى قورعانىس مينيسترلىگى تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىمەن بىرلەسىپ ازىرلەدى.
