فوتو: اشىق دەرەككوز
باس پروكۋراتۋرانىڭ حابارلاۋىنشا, ول ازاماتتاردى الداۋ ءۇشىن WhatsApp مەسسەندجەرىندە ارنايى توپتار اشىپ, تاۋارلاردى نارىقتىق قۇننان تومەن باعامەن جارنامالاعان. وسىلايشا, 30 ادامنىڭ 3 ملن تەڭگەدەن استام قارجىسىن يەمدەنىپ, ءوز قاجەتتىلىكتەرىنە جۇمساعان.
«سوتتا قىلمىستىق جاۋاپكەرشىلىكتەن جالتارۋعا تىرىسىپ, جابىرلەنۋشىلەرمەن ازاماتتىق-قۇقىقتىق قاتىناستا بولعانىن كورسەتتى. مەملەكەتتىك ايىپتاۋشى سوتتالۋشىنىڭ باستاپقىدان تاۋار جەتكىزۋدى جوسپارلاماعانىن جانە وزىنە العان مىندەتتەمەلەرىن ورىنداۋعا نيەتى بولماعانىن دالەلدەدى», دەلىنگەن حابارلامادا.
سوت ۇكىمىمەن كۇدىكتى 3 جىلعا باس بوستاندىعىنان ايىرىلدى. كەلتىرىلگەن ماتەريالدىق شىعىندار سوتتالۋشىدان وندىرىلگەن.
استانا قالاسىنىڭ پروكۋراتۋراسى تۇرعىندارعا مەسسەندجەرلەردە تومەن باعامەن تاۋارلاردى تىكەلەي جەتكىزۋگە ۋادە بەرەتىن كۇماندى مامىلەلەردەن ساق بولۋدى ەسكەرتەدى.
