ۇلتتىق ەكونوميكا مينيسترلىگىنىڭ مالىمدەۋىنشە, قازاقستاننىڭ رەيتينگىن قولدايتىن نەگىزگى فاكتورلاردىڭ قاتارىندا – رەيتينگى ۇقساس ەلدەر اراسىنداعى ورتاشا كورسەتكىشتەن ەداۋىر اساتىن جانە ەلدىڭ قارجىلىق يكەمدىلىگىن قامتاماسىز ەتەتىن قۋاتتى سىرتقى بۋفەرلەر قالىپ وتىر.
«ۇلتتىق قوردىڭ ۆاليۋتالىق اكتيۆتەرى مەن رەسمي التىن-ۆاليۋتا رەزەرۆتەرى ءىجو-ءنىڭ 38% بالاماسىنا جەتتى, بۇعان ينۆەستيتسيالاردىڭ 8,4% دەڭگەيىندەگى كىرىستىلىگى جانە التىن باعاسىنىڭ ءوسۋى ىقپال ەتتى», دەپ جازىلعان مينيسترلىك مالىمدەمەسىندە.
ساراپشىلار مۇناي سالاسىنا تاۋەلدىلىكتى بىرتىندەپ ازايتۋعا ىقپال ەتەتىن كولىك جانە جاڭارتىلاتىن ەنەرگيا سىندى سەكتورلاردى دامىتۋ بويىنشا جاسالىپ جاتقان قادامدارىن ايتقان.
بۇعان قوسا, اگەنتتىك كەڭاۋقىمدى قايتالاما سانكتسيالار سالۋدىڭ سالىستىرمالى تۇردە تومەن تاۋەكەلدەرىن اتاپ وتكەن.
