فوتو: «ۇات» اق
ەندى پايدالانۋشىلار وزدەرىنىڭ اسكەري قىزمەتكە شاقىرىلۋ مارتەبەسى مەن اسكەري قىزمەتكە شاقىرۋ تۋرالى اقپاراتتى سمارتفونىنان تىكەلەي قاراپ, بولىسە الادى. جاڭا فۋنكتسيالار دەرەكتەرگە قولجەتىمدىلىكتى ودان ءارى ىڭعايلى جانە جەڭىل ەتەدى.
قوسىمشانىڭ جاڭارتىلعان نۇسقاسىندا ەكى جاڭا تسيفرلىق مالىمەتتەر قولجەتىمدى:
- اسكەري قىزمەتكە شاقىرۋ تۋرالى اقپارات – ازاماتتىڭ شاقىرۋ مارتەبەسى, سونداي-اق شاقىرۋ مەرزىمى تۋرالى تولىق دەرەكتەر;
- اسكەري قىزمەتكە قاتىسۋعا قاتىستى مالىمەتتەر – ازاماتتىڭ اسكەري مىندەتتىلىك مارتەبەسى تۋرالى وزەكتى اقپارات.
«ازامات ءوز مالىمەتتەرىن جسن, كومپانيانىڭ بسن-ءى نەمەسە ءموبيلدى ازاماتتار بازاسىنا تىركەلگەن تەلەفون ءنومىرى ارقىلى ءوز بەتىنشە جىبەرە الادى. سونىمەن قاتار, دەرەكتەردى جۇمىس بەرۋشىنىڭ تىكەلەي سۇراۋى سالۋى بويىنشا دا جىبەرۋگە بولادى — ول ءۇشىن جۇمىس بەرۋشى جسن نەمەسە تەلەفون ءنومىرى ارقىلى سۇراۋ سالۋ جىبەرەدى. سودان كەيىن پايدالانۋشى حابارلاما الادى جانە سۇراۋ سالۋدى راستايدى نەمەسە ونى كەرى قايتارادى. دەرەكتەردى eGov Mobile قوسىمشاسىنا تىكەلەي سىلتەمە ارقىلى مەسسەندجەرلەر نەمەسە پوشتا ارقىلى جىبەرۋگە بولاتىنىن اتاپ وتەمىز», دەلىنگەن حابارلامادا.
سەرۆيستى پايدالانۋ ءۇشىن:
- eGov Mobile قوسىمشاسىندا اۆتوريزاتسيالانىپ, «مالىمەتتەر» بولىمىنە ءوتۋ;
- «تاريح» بولىمىندە مالىمەتتەرگە قول جەتىمدىلىك بەرۋگە كەلگەن سۇراۋ سالۋلاردى قاراپ شىعۋ;
- مالىمەتتەردى بەرۋگە رۇقسات بەرۋ نەمەسە سۇراۋ سالۋدى قابىلداماۋ;
- قاجەت بولعان جاعدايدا, بۇرىن بەرىلگەن مالىمەتتەردى «قايتارىپ الۋ» باتىرماسىن باسۋ ارقىلى قايتارىپ الۋ قاجەت.
بۇدان باسقا, پايدالانۋشىلار مالىمەتتەرگە سۇراۋ سالۋلار تاريحىن تەكسەرىپ, قاجەت بولعان جاعدايدا بۇرىن بەرىلگەن مالىمەتتەرگە قولجەتىمدىلىكتى باسقارۋعا, ولاردى قايتارىپ الۋعا مۇمكىندىگى بار.
ايتا كەتەيىك, جاڭا فۋنكتسيونالدى جاڭارتۋ قر قورعانىس مينيسترلىگى, قر تسيفرلىق دامۋ, يننوۆاتسيالار جانە اەروعارىش ونەركاسىبى مينيسترلىگىنىڭ مەملەكەتتىك كورسەتىلەتىن قىزمەتتەر كوميتەتى جانە «ۇلتتىق اقپاراتتىق تەحنولوگيالار» اق بىرلەسكەن جۇمىسىنىڭ ارقاسىندا ىسكە اسىرىلدى.
