دەپۋتات تاتيانا ساۆەلەۆا ءمالىم ەتكەندەي, زاڭ جوباسى ەكى نەگىزگى باعىت بويىنشا رەسپۋبليكالىق بيۋدجەت كورسەتكىشتەرىنىڭ وزگەرۋىنە بايلانىستى ازىرلەندى.
«بىرىنشىدەن, 2024 جىلعا ارنالعان كىرىستەردىڭ ناقتىلانعان بولجامى بەكىتىلگەن جوسپاردان 2 تريلليون تەڭگەگە تومەندەۋمەن انىقتالدى, بۇل رەتتە ۇلتتىق قوردان ماقساتتى ترانسفەرت تۇرىندە قوسىمشا 2 تريلليون تەڭگە تارتۋ جوسپارلاندى», دەدى ساۆەلەۆا ءماجىلىستىڭ جالپى وتىرىسىندا.
ونىڭ ايتۋىنشا, رەسپۋبليكالىق بيۋدجەتتىڭ شىعىستارى مەن تاپشىلىعىنىڭ پارامەترلەرى ۇكىمەت ەنگىزگەن تۇزەتۋلەردى ەسكەرە وتىرىپ جانە 2023 جىلعا ارنالعان 61,3 ملرد تەڭگە كولەمىندەگى بيۋدجەت قالدىقتارىن پايدالانا وتىرىپ وزگەرتىلدى.
«وسىلايشا, رەسپۋبليكالىق بيۋدجەتتىڭ ناقتىلانعان شىعىستارى بەكىتىلگەن كورسەتكىشكە قاتىستى 61,3 ملرد تەڭگەگە وسەدى, بيىلعى جىلعى رەسپۋبليكالىق بيۋدجەت تاپشىلىعى 61,3 ملرد تەڭگەگە وسۋمەن 3,6 ترلن تەڭگەنى قۇرايدى», دەدى ساۆەلەۆا.
