فوتو: med.mcfr.kz
ەندى ەڭبەككە ۋاقىتشا جارامسىزدىق پاراعى مەن ەڭبەككە ۋاقىتشا جارامسىزدىق تۋرالى انىقتاما تەك ەلەكتروندىق تۇردە بەرىلەدى.
انىقتامالار پاتسيەنتتىڭ كەلىسىمىمەن ەلەكتروندىق انىقتامالار تالاپ ەتىلگەن مەكەمەگە جىبەرىلەدى.
مينيسترلىك وسى قىزمەتتەردى ەلەكتروندىق فورماتقا كوشىرۋ ءۇشىن قازىرگى ۋاقىتتا «امبۋلاتوريالىق-ەمحانالىق كومەك» اج ارقىلى اقپاراتتىق جۇيەلەردى ينتەگراتسيالاۋ بويىنشا جۇمىستار جۇرگىزىلىپ جاتقانىن ءمالىم ەتتى.
ەلەكتروندى تۇردە بەرىلەتىن 8 مەديتسينالىق انىقتاما:
- ەڭبەككە ۋاقىتشا جارامسىزدىق پاراعى
- 075 / ە «مەديتسينالىق انىقتاما»
- 026 / ە «دكك قورىتىندىسى»
- 073 / ە «تق باسقارۋعا رۇقسات تۋرالى انىقتاما»
- 069 / ە «ساناتوريلىك-كۋرورتتىق كارتا»
- 052-2 / ە «بالانىڭ دەنساۋلىق پاسپورتى»
- 076 / ە «قارۋعا رۇقسات الۋ»
- 038 / ە «ەڭبەككە ۋاقىتشا جارامسىزدىق تۋرالى انىقتاما».