كونفەرەنتسياعا يۋنەسكو باس ديرەكتورىنىڭ ورىنباسارى ەرنەستو وتتونە, قازاقستان رەسپۋبليكاسى مادەنيەت جانە اقپارات مينيسترلىگىنىڭ ارحيۆ, قۇجاتتاما جانە كىتاپ ءىسى كوميتەتىنىڭ توراعاسى رۋستام ءالي, قازاقستان جازۋشىلار وداعىنىڭ توراعاسى مەرەكە قۇلكەنوۆ جانە تۇركسوي حالىقارالىق ۇيىمىنداعى قازاقستان وكىلى باقىتجان ومار قاتىستى.
قاتىسۋشىلار بەردىبەك سوقپاقباەۆ كىتابىنىڭ اۋدارماسى فرانتسۋز وقىرماندارىنا قازاق مادەنيەتىن تانىتىپ, قازاقستان حالقىنىڭ باي داستۇرلەرى مەن قۇندىلىقتارىن اشاتىنىنا سەنىم ءبىلدىردى.
بەردىبەك سوقپاقباەۆتىڭ 100 جىلدىعىنىڭ يۋنەسكو-نىڭ اتاۋلى داتالار كۇنتىزبەسىنە ەنگىزىلۋى ونىڭ الەمدىك مادەنيەتكە قوسقان ۇلەسىنىڭ ماڭىزدىلىعىن كورسەتەدى. 1952 جىلدان باستاپ قازاقستان جازۋشىلار وداعىنىڭ مۇشەسى بولعان قالامگەر كوزى تىرىسىندە-اق قازاق بالالار ادەبيەتىنىڭ كلاسسيگى رەتىندە تانىلدى. بالالاردىڭ عانا ەمەس, ەرەسەكتەردىڭ دە سۇيىكتى جازۋشىسىنا اينالعان ونىڭ شىعارماشىلىعى ۇرپاق تاربيەسىندە ءالى كۇنگە وزەكتىلىگىن جويماي كەلەدى.
قازاقستان تاراپى يۋنەسكو-عا ءىس-شارانى ۇيىمداستىرۋداعى قولداۋى ءۇشىن العىس ءبىلدىرىپ, قازاق حالقىنىڭ مۇراسىن حالىقارالىق ارەنادا ناسيحاتتايتىن مادەني ءىس-شارالاردىڭ ماڭىزدىلىعىن اتاپ ءوتتى.
