فوتو: polisia.kz
پاۆلودار وبلىسىنىڭ پوليتسيا دەپارتامەنتى ءمالىم ەتكەندەي, پروكۋرورلاردىڭ كومەگىمەن قۇنى 100 ميلليون تەڭگەدەن اساتىن قاۋىپتى ەلەكتروندىق تەمەكى, تەمەكى قوسپالارى مەن سۇيىقتىقتاردى تاراتۋدىڭ زاڭسىز ارناسى انىقتالعان.
«قويما رەتىندە جابدىقتالعان جەرتولەدە جەدەل قىزمەتكەرلەر جۇزدەگەن مىڭ ەلەكتروندى تەمەكى قۇرىلعىسىن, 1 ميلليون تەڭگەدەن استام اقشا قاراجاتىن, بۋحگالتەرلىك قۇجاتتامانى, جازبالار جانە دالەلدى ماڭىزى بار باسقا زاتتاردى تاپتى», دەلىنگەن حابارلامادا.
قازىرگى ۋاقىتتا ينتەرنەت-رەسۋرستار ارقىلى ۆەيپ جانە سۇيىقتىق ساتاتىن توپ بولىپ ارەكەت ەتكەن 5 ادام ۇستالعان. ەلەكتروندىق تەمەكىنىڭ زاڭسىز اينالىمىنا قاتىستى تەرگەۋ امالدارى باستالعانى بەلگىلى بولدى.
