فوتو: قارجى مينيسترلىگى ءباسپاسوز قىزمەتى
ءمينيستردىڭ ايتۋىنشا, 2025 جىلعى تۇسىمدەر بيىلعى جىلمەن سالىستىرعاندا 1,2 ترلن تەڭگەگە ۇلعايا وتىرىپ 21,7 ترلن تەڭگە دەڭگەيىندە بولجانىپ وتىر.
«زاڭ جوباسىن تالقىلاۋ بارىسىندا حالىقتىڭ ءومىر ءسۇرۋ ساپاسىن ارتتىرۋعا جانە وڭىرلەردى دامىتۋعا باعىتتالعان بىرقاتار ۇسىنىستار ەنگىزىلدى.ونىڭ ىشىندە, حالىقتى تازا سۋمەن قامتاماسىز ەتۋگە, جىلۋ-ەلەكتر ەنەرگەتيكاسىن, كولىك, ينجەنەرلىك-كوممۋنيكاتسيالىق ينفراقۇرىلىمىنا, سونداي-اق «اۋىل – ەل بەسىگى» جوباسىن ىسكە اسىرۋعا قوسىمشا شىعىستار كوزدەلگەن.سونىمەن قاتار, تەگىن مەديتسينالىق كومەكتىڭ كەپىلدىك بەرىلگەن كولەمى شەڭبەرىندە مەديتسينالىق قىزمەتتەر كورسەتۋگە, سىبايلاس جەمقورلىققا قارسى ساراپتاما جۇرگىزۋگە ارنالعان شىعىستار قاراستىرىلعان.
اتالعان تۇزەتۋلەردى ەسكەرە وتىرىپ, بيۋدجەت شىعىستارىنىڭ نەگىزگى باعىتتارى كەلەسىدەي قالىپتاستى.
ءبىرىنشى باعىت – الەۋمەتتىك سالانى دامىتۋ.بيۋدجەت, وتكەن جىلدارداعىداي الەۋمەتتىك باعدارلانعان بولىپ قالا بەرەدى. 2025 جىلى الەۋمەتتىك سالانىڭ شىعىستارى اعىمداعى جىلعا قاراعاندا 862 ملرد. تەڭگەگە ۇلعايىپ, 9,8 ترلن تەڭگە كولەمىندە جوسپارلانۋدا. ونىڭ بيۋدجەت شىعىستارىنداعى ۇلەسى 38 %-دى قۇرايتىن بولادى.
ەكىنشى باعىت – وڭىرلەردى قولداۋ. 2025 جىلى وڭىرلەرگە رەسپۋبليكالىق بيۋدجەت قاراجاتى ەسەبىنەن 7,5 ترلن تەڭگە بولىنەدى. بۇل سوما اعىمداعى جىلمەن سالىستىرعاندا 405 ملرد تەڭگەگە ارتىق.ول – بيۋدجەتتىڭ جالپى شىعىستارىنىڭ شامامەن 30%-ىن قۇرايدى.
ءۇشىنشى باعىت – ەكونوميكانىڭ ناقتى سەكتورىن دامىتۋدى قولداۋ. 2025 جىل بۇل باعىت بويىنشا 2,1 ترلن تەڭگە قاراستىرىلعان. ونىڭ ىشىندە, مەملەكەت باسشىسىنىڭ تاپسىرماسىنا سايكەس اگروونەركاسىپتىك كەشەندى دامىتۋ كۇشەيتىلدى. وسى باعىتقا 2025 جىلى اعىمداعى جىلمەن سالىستىرعاندا 30%-عا ۇلعايا وتىرىپ, 635 ملرد تەڭگە قاراستىرىلدى», دەدى مينيستر ءوز سوزىندە.
قورىتىندىلاي كەلە ءمادي تاكيەۆ مەملەكەتتىڭ قورعانىس قابىلەتى مەن قاۋىپسىزدىگىن قامتاماسىز ەتۋ, قۇقىقتىق ءتارتىپتى قورعاۋ جانە ىشكى تۇراقتىلىقتى قولداۋ جونىندەگى ءىس-شارالار تولىق كولەمدە جۇزەگە اسىرىلاتىنىن جەتكىزدى.
